گفر سٸم باسشىسى زيگمار گابريەل پارتييالاسى, گەرمانييا سوتسيال-دەموكراتييالىق پارتيياسىنىڭ (گسدپ) تٶراعاسى مارتين شۋلتستىڭ 2025 جىلعا قاراي ەۋروپا قۇراما شتاتتارىن قۇرۋ يدەياسىن قولدادى, دەپ حابارلايدى تاسس.
مينيستردٸڭ ايتۋىنشا, ساياساتكەرلەر ەۋرووداقتى دامىتۋ جٶنٸندەگٸ ناقتى باستامالاردىڭ جوقتىعىنان جيٸ سىنعا ۇشىرايدى. «مارتين شۋلتس بولاشاقتا ەۋروپا قالاي دامۋى تيٸس ەكەندٸگٸ جٶنٸندە يدەيا ۇسىنىپ ەدٸ, جۇرتشىلىق وعان تارپا باس سالدى», - دەدٸ مينيستر جەكسەنبٸدە ARD تەلەارناسىنا بەرگەن سۇحباتىندا. گابريەلدٸڭ پٸكٸرٸنشە, شۋلتستىڭ ۇسىنىسى ەۋرووداقتى «ازاماتتار مٷددەلەرٸنٸڭ ٶكٸلٸنە» اينالدىرۋعا باعىتتالعان. «بۇل شىنىندا دا قاجەت», - دەپ اتاپ ٶتتٸ گەرمانييا سىرتقى ساياسي ۆەدومستۆوسىنىڭ باسشىسى.
«بۇل يدەيا, بەلكٸم, مەنٸڭ نەمەرەلەرٸمنٸڭ دەۋٸرٸندە ٸسكە اساتىن شىعار», - دەيدٸ وسى مەسەلەگە پٸكٸرٸن بٸلدٸرگەن گفر قورعانىس مينيسترٸ ۋرسۋلا فون دەر ليايەن ZDF تەلەارناسىنا بەرگەن سۇحباتىندا.
بەيسەنبٸ كٷنٸ شۋلتس «فەدەراتيۆتٸك ەۋروپانى قۇرۋدى قامتاماسىز ەتەتٸن» كونستيتۋتسييالىق كەلٸسٸمنٸڭ قاجەتتٸگٸن ايتقان بولاتىن. ول بۇل رەتتە «ەۋروپانىڭ كٶپتەگەن مەسەلەلەردٸ شەشۋگە قابٸلەتسٸز ەكەندٸگٸن» العا تارتتى.
