Eýropa qaita qurý jáne damý banki Saýda-sattyqqa kómek kórsetý baǵdarlamasy aiasynda Ózbekstannyń tórt bankine 210 million AQSh dollary kóleminde nesie berdi, dep habarlaidy Azattyq.
Aqparatqa qaraǵanda, 60 million dollar – "Asaka", 30 million dollar – "Ipoteka-bank", 40 million Ulttyq bank jáne 80 million "Ózpromstroibankke" bólingen.
Halyqaralyq qarjy institýtynyń málimdeýinshe, nesie ózbek Ýkrainadaǵy soǵysqa bailanysty paida bolǵan daǵdarysty jeńýge járdem beredi.
Búgingi kúnge deiin Eýropa qaita qurý jáne damý banki Ózbekstanǵa 106 joba boiynsha 2,85 milliard dollar investitsiia salǵan.
Ýkrainadaǵy soǵystyń áseri Ózbekstanǵa da tiip, elde azyq-túlik qymbattaǵan.
Resei agressiiasyna bailanysty Ýkraina birqatar azyq-túlik túrlerin eksporttaýǵa shekteý qoiyp, bidai, júgeri, taýyq eti, jumyrtqa jáne ósimdik maiy eksportyna tyiym salǵan.
14 naýryzda Resei úkimeti de EAEO-ǵa múshe elderge birqatar azyq-túlikti eksporttaýǵa tyiym saldy. Bul shekteýler Ózbekstan ekonomikasyna keri áserin tigizip otyr. Sebebi Ózbekstan negizgi azyq-túlikti Qazaqstannan satyp alady. Qazaqstan EAEO-ǵa múshe bolǵandyqtan, Reseide bul ólkege azyq-túlik eksporttalmai qalady.
