ەۋروپا قايتا قۇرۋ جەنە دامۋ بانكٸ ساۋدا-ساتتىققا كٶمەك كٶرسەتۋ باعدارلاماسى اياسىندا ٶزبەكستاننىڭ تٶرت بانكٸنە 210 ميلليون اقش دوللارى كٶلەمٸندە نەسيە بەردٸ, دەپ حابارلايدى ازاتتىق.
اقپاراتقا قاراعاندا, 60 ميلليون دوللار – "اساكا", 30 ميلليون دوللار – "يپوتەكا-بانك", 40 ميلليون ۇلتتىق بانك جەنە 80 ميلليون "ٶزپرومسترويبانككە" بٶلٸنگەن.
حالىقارالىق قارجى ينستيتۋتىنىڭ مەلٸمدەۋٸنشە, نەسيە ٶزبەك ۋكرايناداعى سوعىسقا بايلانىستى پايدا بولعان داعدارىستى جەڭۋگە جەردەم بەرەدٸ.
بٷگٸنگٸ كٷنگە دەيٸن ەۋروپا قايتا قۇرۋ جەنە دامۋ بانكٸ ٶزبەكستانعا 106 جوبا بويىنشا 2,85 ميلليارد دوللار ينۆەستيتسييا سالعان.
ۋكرايناداعى سوعىستىڭ ەسەرٸ ٶزبەكستانعا دا تيٸپ, ەلدە ازىق-تٷلٸك قىمباتتاعان.
رەسەي اگرەسسيياسىنا بايلانىستى ۋكراينا بٸرقاتار ازىق-تٷلٸك تٷرلەرٸن ەكسپورتتاۋعا شەكتەۋ قويىپ, بيداي, جٷگەرٸ, تاۋىق ەتٸ, جۇمىرتقا جەنە ٶسٸمدٸك مايى ەكسپورتىنا تىيىم سالعان.
14 ناۋرىزدا رەسەي ٷكٸمەتٸ دە ەاەو-عا مٷشە ەلدەرگە بٸرقاتار ازىق-تٷلٸكتٸ ەكسپورتتاۋعا تىيىم سالدى. بۇل شەكتەۋلەر ٶزبەكستان ەكونوميكاسىنا كەرٸ ەسەرٸن تيگٸزٸپ وتىر. سەبەبٸ ٶزبەكستان نەگٸزگٸ ازىق-تٷلٸكتٸ قازاقستاننان ساتىپ الادى. قازاقستان ەاەو-عا مٷشە بولعاندىقتان, رەسەيدە بۇل ٶلكەگە ازىق-تٷلٸك ەكسپورتتالماي قالادى.
