Qashqyn oligarh Muhtar Ábliazovtyń moinynda qanshama jazyqsyz jandardyń qany bar? Qarapaiym salymshylardyń aqshasyn urlap, elden qashyp júrgen alaiaq bankirdiń óz qolymen jasaǵan aýyr qylmystary birinen keiin biri ashylýda. Osy kezge deiin jumbaq bolyp kelgen «Erjan Tátishevtiń óliminiń» qupiiasy ashyldy. Murathan Toqmadi Muhtar Ábliazovtyń tapsyrysy boiynsha «BTA» banktiń qojaiyny Erjan Tátishevti óltirgenin moiyndady.
Biyl jazda ótken sot otyrysynda Muhtar Ábliazovtyń sybailastary óz kinásin moiyndap, «ǵasyr alaiaǵynyń» shyrmaýyna túskenine qatty ókinetinderin jetkizdi. Olai bolsa, ádiletti sottan, týǵan jerinen qashyp, bas saýǵalyp júrgen qandyqol qylmyskerdi Eýropa nege qorǵashtaidy? Kerisinshe, ádil zań men ar-ojdan saltanat qurǵan qoǵam qashqyn qylmyskerdi quryqtap, jazyqsyz óltirilgender men sottalǵandardyń aldynda izgiliktiń ornaýyna úles qosýy kerek emes pe?
«Shyny koroliniń isi» Muhtar Ábliazovtyń taǵy bir betperdesin ashyp berdi. Muhtar Ábliazov taǵy qandai qylmystyq toptarǵa, atyshýly alaiaqtyq oqiǵalarǵa qatysy baryn kim bilsin! Jaishylyqta adam quqyqtaryn qorǵaýǵa kóshbasshy bolyp kórinetin Eýropanyń shyn bet-beinesi qandai? Álde, qaltasy «qalyń» Muhtar Ábliazov shynshyl eýropalyqtardyń ustanymyn, kózqarasyn da «satyp» ala ma? Qandyqol qylmyskerdi qorǵashtaǵannan ne shyǵady?
