Germaniia Reseidiń Berlindegi diplomatiialyq ókildiginde jumys isteitin 40 qyzmetkerdi persona non grata dep jariialady. Olardyń bári Germaniiadan ketýge tiis. Bul týraly Azattyq radiosy habarlady.
Bul sheshimdi Germaniia Syrtqy ister ministri Annalena Berbok "Resei diplomattary árbir kúni adam bostandyǵyna, qoǵamǵa qarsy jumys istedi" dep túsindirdi.
Annalena Berbok "Kiev túbindegi Býcha qalasynda shashylyp jatqan máiit sýretteri Resei basshylyǵynyń ýkraindarǵa asqan qatygezdik jasap, jaýyzdyq kórsetip jatqanyn bildiredi" dedi.
Germaniia Syrtqy ister ministri Máskeýge sanktsiiany qataita túsýge, NATO-nyń shyǵys qaptalyn nyǵaitýǵa ýáde berdi.
Resei Syrtqy ister ministrliginiń resmi ókili Mariia Zaharova 40 diplomattyń Germaniiadan shyǵarylǵany jaýapsyz qalmaitynyn aitty.
Germaniiada Reseidiń 104 diplomaty akkreditatsiialanǵan.
Frantsiia da Resei dipmissiiasynyń qyzmetkerlerin shyǵaryp jiberýge kiristi. Frantsýz BAQ-tarynyń málimetine qaraǵanda, Frantsiiadan Reseidiń 30 diplomaty ketedi. Parij Resei diplomattarynyń áreketteri Frantsiia qaýipsizdigine qaishy keledi dep sanaidy.
Resei syrtqy ister ministrligi Parijge de jaýap shara qoldanbaqshy.
Dúisenbi, 4 sáýirde Litva da Reseimen diplomatiialyq qatynasyn shektei bastady. Vilniýs Máskeýdegi elshisin shaqyryp alyp, Litvadaǵy Resei elshisin qaitarýǵa sheshim qabyldady.
Resei Syrtqy ister ministrligi Litvany "eki jaqty qarym-qatynastarǵa nuqsan keltiretin jaýdyń áreketin jasap otyr" dep aiyptady.
Litvanyń izimen Latviia da sondai sheshim qabyldady.
2 sáýirde Kiev túbindegi Býcha qalasynda júzdegen beibit adamnyń máiitin shashylyp jatqany týraly habar tarai bastaǵan. Bul qalany bir aidan astam Resei áskeri basyp alyp, baqylaýynda ustaǵan edi. Resei áskeri ketken soń qalaǵan Ýkraina áskeri kirgen.
