گەرمانييا رەسەيدٸڭ بەرليندەگٸ ديپلوماتييالىق ٶكٸلدٸگٸندە جۇمىس ٸستەيتٸن 40 قىزمەتكەردٸ پەرسونا نون گراتا دەپ جارييالادى. ولاردىڭ بەرٸ گەرمانييادان كەتۋگە تيٸس. بۇل تۋرالى ازاتتىق راديوسى حابارلادى.
بۇل شەشٸمدٸ گەرمانييا سىرتقى ٸستەر مينيسترٸ اننالەنا بەربوك "رەسەي ديپلوماتتارى ەربٸر كٷنٸ ادام بوستاندىعىنا, قوعامعا قارسى جۇمىس ٸستەدٸ" دەپ تٷسٸندٸردٸ.
اننالەنا بەربوك "كيەۆ تٷبٸندەگٸ بۋچا قالاسىندا شاشىلىپ جاتقان مەيٸت سۋرەتتەرٸ رەسەي باسشىلىعىنىڭ ۋكرايندارعا اسقان قاتىگەزدٸك جاساپ, جاۋىزدىق كٶرسەتٸپ جاتقانىن بٸلدٸرەدٸ" دەدٸ.
گەرمانييا سىرتقى ٸستەر مينيسترٸ مەسكەۋگە سانكتسييانى قاتايتا تٷسۋگە, ناتو-نىڭ شىعىس قاپتالىن نىعايتۋعا ۋەدە بەردٸ.
رەسەي سىرتقى ٸستەر مينيسترلٸگٸنٸڭ رەسمي ٶكٸلٸ مارييا زاحاروۆا 40 ديپلوماتتىڭ گەرمانييادان شىعارىلعانى جاۋاپسىز قالمايتىنىن ايتتى.
گەرمانييادا رەسەيدٸڭ 104 ديپلوماتى اككرەديتاتسييالانعان.
فرانتسييا دا رەسەي ديپميسسيياسىنىڭ قىزمەتكەرلەرٸن شىعارىپ جٸبەرۋگە كٸرٸستٸ. فرانتسۋز باق-تارىنىڭ مەلٸمەتٸنە قاراعاندا, فرانتسييادان رەسەيدٸڭ 30 ديپلوماتى كەتەدٸ. پاريج رەسەي ديپلوماتتارىنىڭ ەرەكەتتەرٸ فرانتسييا قاۋٸپسٸزدٸگٸنە قايشى كەلەدٸ دەپ سانايدى.
رەسەي سىرتقى ٸستەر مينيسترلٸگٸ پاريجگە دە جاۋاپ شارا قولدانباقشى.
دٷيسەنبٸ, 4 سەۋٸردە ليتۆا دا رەسەيمەن ديپلوماتييالىق قاتىناسىن شەكتەي باستادى. ۆيلنيۋس مەسكەۋدەگٸ ەلشٸسٸن شاقىرىپ الىپ, ليتۆاداعى رەسەي ەلشٸسٸن قايتارۋعا شەشٸم قابىلدادى.
رەسەي سىرتقى ٸستەر مينيسترلٸگٸ ليتۆانى "ەكٸ جاقتى قارىم-قاتىناستارعا نۇقسان كەلتٸرەتٸن جاۋدىڭ ەرەكەتٸن جاساپ وتىر" دەپ ايىپتادى.
ليتۆانىڭ ٸزٸمەن لاتۆييا دا سونداي شەشٸم قابىلدادى.
2 سەۋٸردە كيەۆ تٷبٸندەگٸ بۋچا قالاسىندا جٷزدەگەن بەيبٸت ادامنىڭ مەيٸتٸن شاشىلىپ جاتقانى تۋرالى حابار تاراي باستاعان. بۇل قالانى بٸر ايدان استام رەسەي ەسكەرٸ باسىپ الىپ, باقىلاۋىندا ۇستاعان ەدٸ. رەسەي ەسكەرٸ كەتكەن سوڭ قالاعان ۋكراينا ەسكەرٸ كٸرگەن.
