Eýropa elderi koronavirýs infektsiiasynyń taralý qarqynyn tejeýge tyrysýda, dep habarlaidy Euronews.
Jańa sanitarlyq shekteýler Frantsiiada kúshine endi. Kem degende eki aptaǵa Parijde jáne basqa da iri qalalarda barlar jabylady. Meiramhanalar qatań sanitarlyq hattama aiasynda jumys isteidi. El úkimeti kásiporyndarǵa múmkindiginshe qashyqtan jumys isteýge keńes berip otyr.
Italiia biligi de kúsheitilgen talaptardy qarastyrýda. Densaýlyq saqtaý ministri Roberto Sperantsa búkil el boiynsha ashyq aýada qorǵanysh maskasyn taǵý talabyn mindetti etip engizdi. Bul ereje sońǵy kúnderi koronavirýs juqtyrý jaǵdailarynyń sany kúrt artqan aimaqtarda, onyń ishinde Kampaniianyń ońtústiginde qoldanylady.
«Búgin, 6 qazandaǵy jaǵdai boiynsha Italiiada 59 myń adam koronavirýsqa shaldyqqan. Eki ai buryn bul kórsetkish 12600 bolǵan edi. Eki ai ishinde aýrý juqtyrǵandar sany kúrt artyp ketti. Muny baiqamaý múmkin emes», - dedi vedomstvo basshysy.
Latsio oblysynda bilik balalar úshin koronavirýsqa qarsy testileý protsedýrasyn jeńildetýge tyrysýda, dárigerler taldama úshin balalardyń silekeiin alady.
Ispaniianyń ulttyq sot alqasy Madrid avtonomdy qaýymdastyǵynda pandemiiany boldyrmaý úshin engizilgen shekteý sharalaryn toqtata turýdan bas tartty. Sotqa «Voks» partiiasy ótinish bildirgen. Karantin jeńildegennen keiin Ispaniiada koronavirýstyń taralý qarqyny tez ósýde. Elde ekonomikalyq ahýal nasharlady, jyl qorytyndysy boiynsha Ispaniianyń JIÓ 11%-dan astam qysqarýy múmkin.
