Eýropa elderi koronavirýs pandemiiasyna bailanysty elge kirý erejelerin jáne shekaradaǵy baqylaýdy kúsheitpek, dep habarlaidy Euronews.
Endi Frantsiiadan Ispaniiaǵa kólikpen kirý úshin koronavirýs testiniń teris nátijesin usyný qajet. Aita keteiik, Ispaniia turǵyndary úshin koroldikte asa mańyzdy emes saparlarǵa salynǵan ýaqytsha tyiym 30 sáýirge deiin uzartyldy.
GFR biligi Frantsiiamen, Polshamen jáne Daniiamen shekaradaǵy baqylaýdy kúsheitýge nietti. Buǵan deiin bul shekaralarda qatań tekseris rejimi bolmaǵan edi. Bul qaýipsizdik sharasy endi Aýstriianyń jekelegen aimaqtaryna, atap aitqanda Tirolǵa qoldanylmaidy.
Sondai-aq GFR Ishki ister ministri Horst Zeehofer «Chehiiada jaǵdai áli de turaqsyz, koronavirýs juqtyrǵandardyń sany óte kóp, ásirese Germaniiamen shekaralas aýdandarda. Sondyqtan biz Chehiia men Saksoniia, Chehiia men Bavariia shekarasyndaǵy baqylaýdy taǵy 14 kúnge uzartamyz» dep habarlady.
Italiiaǵa EO elderinen kelgenderde koronavirýs testisiniń nátijei bolýy kerek, kelgennen keiin bes kúndik karantinde bolyp, testini qaita tapsyrýy tiis.
EO men Shengen aimaǵyna kirmeitin elderden kelgenderdiń barlyǵyna eki aptalyq karantin qarastyrylǵan. Eldegi týrizmge, sondai-aq el ishindegi turǵyndardyń júrip-turýyna qozǵalysqa resmi túrde tyiym salynǵan.
