Eýropalyq Odaq elderiniń azamaty sanalmaityn basqa memleket adamdaryna kirý erejelerin qatańdatty. Bul týraly VVS habarlady.
Endi EO aýmaǵyna aýrýdyń minimaldy statistikasy bar jáne ońtústikafrikalyq, britandyq nemese braziliialyq jańa shtamdardy juqtyrý jaǵdailary joq memleketterdiń turǵyndary ǵana kire alady.
Eń tómengi statistika 14 kún ishinde 100 myń adamǵa shaqqanda Covid-19-nyń 25-ten aspaityn jaǵdaiyn bildiredi. Bul kórsetkish EO elderiniń kez kelgenine qaraǵanda tómen. Osylaisha, Eýropalyq Odaqqa kirý tek Avstraliia, Jańa Zelandiia, Qytai, Rýanda, Singapýr, Ońtústik Koreia jáne Tailand siiaqty shekteýli elderden ǵana múmkin bolady.
Frantsiia óz shekaralarynda baqylaýdy edáýir kúsheitti. Japoniia jaqynda osy tizimnen shyǵaryldy. Al tizimge Qytaidy qosý Qytai biliginiń Eýropa azamattaryn kedergisiz kirýge múmkindik beretindigine bailanysty bolmaq. Qosymsha shekaralyq sharalar ár EO eliniń óz qalaýyna qarai kúshine enedi. Mysaly, Germaniia jalpy Eýropalyq odaqqa qaraǵanda odan da qatań kirý erejelerin engizdi, al Belgiia naýryz aiyna deiin eki baǵytta da óz shekaralaryn kesip ótýge tyiym saldy. Tek adamdar úshin óte mańyzdy bolǵan jaǵdailarda ǵana ótýge ruqsat.
Avstriia – karantindi jeńildetip jatqan jalǵyz eýropalyq el. Onda dúkender, murajailar men haiýanattar baǵy kezeń-kezeńimen ashyla bastaidy. Ár túrli mekenjailarda turatyn adamdardyń qaitadan kezdesýlerine bolady, biraq ázirge bir ýaqytta eki otbasydan aspaidy. Qoǵamdyq oryndarda maska kiiý mindetti bolyp qala beredi, halyqty qarqyndy testileý jalǵasady.
