Fýtboldan Eýropa chempionatynyń finaldyq satysyndaǵy Daniia men Finliandiia matchy qaita jalǵasty, dep habarlaidy "Ult aqparat".
Atalǵan kezdesýdiń 42-minýtynda daniialyq fýtbolshy Kristian Eriksen oiyn ústinde esinen tanyp qalyp, match ýaqytsha toqtatylǵan bolatyn.
Kristian Eriksen 1992 jyldyń 14 aqpanynda Daniianyń Middelfart qalasynda dúniege kelgen. Kásibi fýtboldaǵy alǵashqy qadamyn 2010 jyly Niderlandynyń «Aiaks» komandasynda bastaǵan. Odan keiin 2013-2020 jyldar aralyǵynda Angliianyń «Tottenhem Hotspýrs» komandasynyń namysyn qorǵap, ótken jyly Italiianyń «Internatsionale» klýbyna aýysty. Óz eliniń ulttyq quramasynda 2010 jyldan beri 109 oiyn ótkizip, qarsylastar qaqpasyna 36 gol soqqan.
Eriksenge dárigerler jasyl alań ústinde alǵashqy meditsinalyq kómek kórsetti. Sodan keiin ony arnaiy tehnikamen stadion ishine alyp ketti. Dárigerlerdiń aitýynsha, ol jergilikti aýrýhanaǵa jetkizilip, jaǵdaiy qalypqa túsken.
Match toqtatylǵan ýaqytynan bastap qaita jalǵasty.
Eske salsaq, Fýtboldan Eýropa chempionaty 11 maýsym kúni bastaldy. Ol 11 shildege deiin jalǵasatyn bolady.
