فۋتبولدان ەۋروپا چەمپيوناتىنىڭ فينالدىق ساتىسىنداعى دانييا مەن فينلياندييا ماتچى قايتا جالعاستى, دەپ حابارلايدى "ۇلت اقپارات".
اتالعان كەزدەسۋدٸڭ 42-مينۋتىندا دانييالىق فۋتبولشى كريستيان ەريكسەن ويىن ٷستٸندە ەسٸنەن تانىپ قالىپ, ماتچ ۋاقىتشا توقتاتىلعان بولاتىن.
كريستيان ەريكسەن 1992 جىلدىڭ 14 اقپانىندا دانييانىڭ ميددەلفارت قالاسىندا دٷنيەگە كەلگەن. كەسٸبي فۋتبولداعى العاشقى قادامىن 2010 جىلى نيدەرلاندىنىڭ «اياكس» كومانداسىندا باستاعان. ودان كەيٸن 2013-2020 جىلدار ارالىعىندا انگلييانىڭ «توتتەنحەم حوتسپۋرس» كومانداسىنىڭ نامىسىن قورعاپ, ٶتكەن جىلى يتالييانىڭ «ينتەرناتسيونالە» كلۋبىنا اۋىستى. ٶز ەلٸنٸڭ ۇلتتىق قۇراماسىندا 2010 جىلدان بەرٸ 109 ويىن ٶتكٸزٸپ, قارسىلاستار قاقپاسىنا 36 گول سوققان.
ەريكسەنگە دەرٸگەرلەر جاسىل الاڭ ٷستٸندە العاشقى مەديتسينالىق كٶمەك كٶرسەتتٸ. سودان كەيٸن ونى ارنايى تەحنيكامەن ستاديون ٸشٸنە الىپ كەتتٸ. دەرٸگەرلەردٸڭ ايتۋىنشا, ول جەرگٸلٸكتٸ اۋرۋحاناعا جەتكٸزٸلٸپ, جاعدايى قالىپقا تٷسكەن.
ماتچ توقتاتىلعان ۋاقىتىنان باستاپ قايتا جالعاستى.
ەسكە سالساق, فۋتبولدان ەۋروپا چەمپيوناتى 11 ماۋسىم كٷنٸ باستالدى. ول 11 شٸلدەگە دەيٸن جالعاساتىن بولادى.
