Fýtboldan Eýropa chempionatynyń final satysyndaǵy toptyq kezeńi ekinshi týrynda Ýkraina men Soltústik Makedoniia quramalary kezdesti, dep habarlaidy "Ult aqparat".
Eske salsaq, atalǵan eki qurama S tobynda synǵa túsedi. Qarsylastary – Niderlandy jáne Avstriia.
Alǵashqy týrda Ýkraina Niderlandydan 2:3 esebimen jeńilse, Soltústik Makedoniia Avstriiaǵa 1:3 esebimen ese jiberdi.
Eki qurama buǵan deiin tórt márte kezdesken. Onyń úsheýinde ýkraindar jeńiske jetip, bireýinde makedondar basym tússe, bireýinde teń nátije tirkeldi.
Búgingi kezdesýde ekeýiniń úsh upaidy oljalaýǵa múmkindigi zor boldy. Dese de, ýkraindar jeńiske jetýge jaqyn turdy.
Olardyń qatarynan Andrei Iarmolenko 29, Roman Iaremchýk 34-minýttarda mergendik tanytsa, qarsylastarynan Ezgan Alioski 57-minýtta esep aiyrmasyn qysqartty.
Budan keiin tablodaǵy esepke ózgeris engen joq.
Endi S tobynda búgin taǵy bir oiynda Niderlandy men Avstriia kezdesedi. Ol elorda ýaqytymen 00.45-te «Qazsport» telearnasynan tikelei efirde kórsetiledi.
