فۋتبولدان ەۋروپا چەمپيوناتىنىڭ فينال ساتىسىنداعى توپتىق كەزەڭٸ ەكٸنشٸ تۋرىندا ۋكراينا مەن سولتٷستٸك ماكەدونييا قۇرامالارى كەزدەستٸ, دەپ حابارلايدى "ۇلت اقپارات".
ەسكە سالساق, اتالعان ەكٸ قۇراما س توبىندا سىنعا تٷسەدٸ. قارسىلاستارى – نيدەرلاندى جەنە اۆسترييا.
العاشقى تۋردا ۋكراينا نيدەرلاندىدان 2:3 ەسەبٸمەن جەڭٸلسە, سولتٷستٸك ماكەدونييا اۆستريياعا 1:3 ەسەبٸمەن ەسە جٸبەردٸ.
ەكٸ قۇراما بۇعان دەيٸن تٶرت مەرتە كەزدەسكەن. ونىڭ ٷشەۋٸندە ۋكرايندار جەڭٸسكە جەتٸپ, بٸرەۋٸندە ماكەدوندار باسىم تٷسسە, بٸرەۋٸندە تەڭ نەتيجە تٸركەلدٸ.
بٷگٸنگٸ كەزدەسۋدە ەكەۋٸنٸڭ ٷش ۇپايدى ولجالاۋعا مٷمكٸندٸگٸ زور بولدى. دەسە دە, ۋكرايندار جەڭٸسكە جەتۋگە جاقىن تۇردى.
ولاردىڭ قاتارىنان اندرەي يارمولەنكو 29, رومان يارەمچۋك 34-مينۋتتاردا مەرگەندٸك تانىتسا, قارسىلاستارىنان ەزگان اليوسكي 57-مينۋتتا ەسەپ ايىرماسىن قىسقارتتى.
بۇدان كەيٸن تابلوداعى ەسەپكە ٶزگەرٸس ەنگەن جوق.
ەندٸ س توبىندا بٷگٸن تاعى بٸر ويىندا نيدەرلاندى مەن اۆسترييا كەزدەسەدٸ. ول ەلوردا ۋاقىتىمەن 00.45-تە «Qazsport» تەلەارناسىنان تٸكەلەي ەفيردە كٶرسەتٸلەدٸ.
