Búgin fýtboldan 2020 jylǵy Eýropa chempionatynyń finaldyq kezeńinde Ýels jáne Shveitsariia quramalary kezdesti, dep habarlaidy "Ult aqparat".
Match Ázerbaijan astanasy Baký qalasyndaǵy Olimpiadalyq stadionynda ótti.
Aita keteiik, eki qurama buǵan deiin 2 márte kezdesip, bir-birden jeńiske jetken bolatyn.
Búgingi kezdesýde shveitsariialyq fýtbolshylar basym oinady. Alǵashqy goldy shveitsariialyq Bril Embolo 49-minýtta soqty. Al 74-minýtta Ýels oiynshysy Kiffer Mýr tarazy basyn teńestirdi. Osylaisha qos qurama 1:1 esebine qanaǵat bildirip tarasty.
Eske salsaq, keshe, 11 maýsymda A tobynda Italiia Túrkiiany 3:0 esebimen jeńdi.
Atalaǵan topta 3 upaimen Italiia kósh bastap tur. Odan keiingi oryndarda bir-bir upaidan enshilegen Ýelias jáne Shveitsariia quramalary tursa, Túrkiianyń qorjyny ázirge bos.
Sondai-aq, búgin V tobynda Daniia men Finliandiia (saǵat 21:50), Belgiia men Resei (saǵat 00:50) quramalary kezdesedi.
Biylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady.
Oiyndar dúbirli doda tarihynda tuńǵysh ret Eýropanyń 10 memleketinde ornalasqan 11 stadionda bolady. Bul Eýropa chempionatynyń 60 jyldyq mereitoiyna orai uiymdastyrylǵan.
