ەۋروپا چەمپيوناتى: ۋەلس پەن شۆەيتسارييا العاش رەت تەڭ تٷستٸ

بٷگٸن فۋتبولدان 2020 جىلعى ەۋروپا چەمپيوناتىنىڭ فينالدىق كەزەڭٸندە ۋەلس جەنە شۆەيتسارييا قۇرامالارى كەزدەستٸ, دەپ حابارلايدى "ۇلت اقپارات".

ماتچ ەزەربايجان استاناسى باكۋ قالاسىنداعى وليمپيادالىق ستاديونىندا ٶتتٸ. 

ايتا كەتەيٸك, ەكٸ قۇراما بۇعان دەيٸن 2 مەرتە كەزدەسٸپ, بٸر-بٸردەن جەڭٸسكە جەتكەن بولاتىن.

بٷگٸنگٸ كەزدەسۋدە شۆەيتسارييالىق فۋتبولشىلار باسىم وينادى. العاشقى گولدى شۆەيتسارييالىق بريل ەمبولو 49-مينۋتتا سوقتى. ال 74-مينۋتتا ۋەلس ويىنشىسى كيففەر مۋر تارازى باسىن تەڭەستٸردٸ. وسىلايشا قوس قۇراما 1:1 ەسەبٸنە قاناعات بٸلدٸرٸپ تاراستى.

ەسكە سالساق, كەشە, 11 ماۋسىمدا ا توبىندا يتالييا تٷركييانى 3:0 ەسەبٸمەن جەڭدٸ.

اتالاعان توپتا 3 ۇپايمەن يتالييا كٶش باستاپ تۇر. ودان كەيٸنگٸ ورىنداردا بٸر-بٸر ۇپايدان ەنشٸلەگەن ۋەلياس جەنە شۆەيتسارييا قۇرامالارى تۇرسا, تٷركييانىڭ قورجىنى ەزٸرگە بوس.

سونداي-اق, بٷگٸن ۆ توبىندا دانييا مەن فينلياندييا (ساعات 21:50), بەلگييا مەن رەسەي (ساعات 00:50) قۇرامالارى كەزدەسەدٸ.

بيىلعى بٸرٸنشٸلٸكتە بارلىعى 24 قۇراما سىنعا تٷسەدٸ. ەربٸر توپتان ٷزدٸك ەكٸ كوماندا مەن كٶرسەتكٸشٸ جوعارى تٶرت قۇراما جارىستى جالعاستىرۋعا مٷمكٸندٸك الادى.

ويىندار دٷبٸرلٸ دودا تاريحىندا تۇڭعىش رەت ەۋروپانىڭ 10 مەملەكەتٸندە ورنالاسقان 11 ستاديوندا بولادى. بۇل ەۋروپا چەمپيوناتىنىڭ 60 جىلدىق مەرەيتويىنا وراي ۇيىمداستىرىلعان.