Alǵashqy týrda Slovakiia Polshadan 2:1 esebimen basym tússe, Shvetsiia Ispaniiamen 1:1 esebimen teń tústi.
Eki qurama buǵan deiin alty márte kezdesti. Onyń úsheýinde shvetsiialyqtar jeńiske jetse, úsh kezdesýde teń esep tirkeldi.
Búgingi kezdesýde eki quramanyń da jeńiske jetý múmkindigi zor boldy. Dese de kóp ýaqytqa deiin esep ózgerissiz turdy.
Oiynnyń 77-minýtynda Slovakiia qaqpasyna belgilengen penaltidi Emil Forsberg múltiksiz oryndady. Budan keiin qaýipti birneshe sát týyndady. Soǵan qaramastan ony eshkim golǵa ainaldyra alǵan joq.
Kezdesýde Shvetsiia quramasy qarsylasynan 1:0 esebimen basym tústi. Eki oiynnan keiin tórt upai jinaǵan olar týrnir kestesinde kósh basyna shyqty.
Bul toptaǵy ekinshi týrdyń taǵy bir oiyny Ispaniia men Polsha arasynda 19 maýsymda bolady.
Aita keteiik, endi atalǵan toptaǵy úshinshi týr oiyndary 23 maýsymda ótkiziledi. Bul kúni Ispaniia men Slovakiia, Shvetsiia men Polsha quramalary sheberlik baiqasady.
