العاشقى تۋردا سلوۆاكييا پولشادان 2:1 ەسەبٸمەن باسىم تٷسسە, شۆەتسييا يسپانييامەن 1:1 ەسەبٸمەن تەڭ تٷستٸ.
ەكٸ قۇراما بۇعان دەيٸن التى مەرتە كەزدەستٸ. ونىڭ ٷشەۋٸندە شۆەتسييالىقتار جەڭٸسكە جەتسە, ٷش كەزدەسۋدە تەڭ ەسەپ تٸركەلدٸ.
بٷگٸنگٸ كەزدەسۋدە ەكٸ قۇرامانىڭ دا جەڭٸسكە جەتۋ مٷمكٸندٸگٸ زور بولدى. دەسە دە كٶپ ۋاقىتقا دەيٸن ەسەپ ٶزگەرٸسسٸز تۇردى.
ويىننىڭ 77-مينۋتىندا سلوۆاكييا قاقپاسىنا بەلگٸلەنگەن پەنالتيدٸ ەميل فورسبەرگ مٷلتٸكسٸز ورىندادى. بۇدان كەيٸن قاۋٸپتٸ بٸرنەشە سەت تۋىندادى. سوعان قاراماستان ونى ەشكٸم گولعا اينالدىرا العان جوق.
كەزدەسۋدە شۆەتسييا قۇراماسى قارسىلاسىنان 1:0 ەسەبٸمەن باسىم تٷستٸ. ەكٸ ويىننان كەيٸن تٶرت ۇپاي جيناعان ولار تۋرنير كەستەسٸندە كٶش باسىنا شىقتى.
بۇل توپتاعى ەكٸنشٸ تۋردىڭ تاعى بٸر ويىنى يسپانييا مەن پولشا اراسىندا 19 ماۋسىمدا بولادى.
ايتا كەتەيٸك, ەندٸ اتالعان توپتاعى ٷشٸنشٸ تۋر ويىندارى 23 ماۋسىمدا ٶتكٸزٸلەدٸ. بۇل كٷنٸ يسپانييا مەن سلوۆاكييا, شۆەتسييا مەن پولشا قۇرامالارى شەبەرلٸك بايقاسادى.
