Fýtboldan Eýropa chempionatynyń finaldyq satysyndaǵy toptyq kezeńi ekinshi týrynda Resei men Finliandiia quramalary kezdesti, dep habarlaidy "Ult aqparat".
Eske salsaq, atalǵan eki komanda V tobynda synǵa túsedi. Qarsylastary – Belgiia jáne Daniia.
Alǵashqy týrda Resei Belgiiaǵa 0:3 esebimen jol berse, Finliandiia Daniiadan 1:0 esebimen basym tústi.
Eki komanda buǵan deiin bes márte kezdesken. Onyń tórteýinde reseilikter jeńiske jetse, bireýinde finliandiialyq fýtbolshylardyń mereii ústem boldy.
Aita keterligi, Finliandiia búgingi qarsylasyn 109 jyl buryn Stokgolm Olimpiadasynda 2:1 esebimen jeńgen bolatyn.
Búgingi kezdesýde qos quramanyń jeńiske jetý múmkindigi bar edi. Ekeýiniń de tarapynan gol soǵatyn birneshe sát kezdesti.
Birinshi kezeńniń 45-minýtynda reseilik Aleksei Miranchýk qarsylastar qaqpashysyn qapy qaldyryp ketti.
Ekinshi kezeńde ekeýinde de esepti ózgertetin birneshe múmkindik bolǵan edi. Degenmen tablodaǵy esep ózgerissiz qaldy.
Kezdesýde Resei qarsylasynan 1:0 esebimen basym túsip, týrnir kestesindegi jaǵdaiyn jaqsartty.
Sondai-aq, atalǵan toptaǵy Daniia men Belgiia kezdesýi 17 maýsymda elorda ýaqytymen 21:50-de ótkiziledi.
Aita keteiik, atalǵan toptaǵy úshinshi týr oiyndary 21 maýsymda ótkiziledi. Bul kúni Finliandiia men Belgiia, Resei men Daniia quramalary sheberlik baiqasady.
