فۋتبولدان ەۋروپا چەمپيوناتىنىڭ فينالدىق ساتىسىنداعى توپتىق كەزەڭٸ ەكٸنشٸ تۋرىندا رەسەي مەن فينلياندييا قۇرامالارى كەزدەستٸ, دەپ حابارلايدى "ۇلت اقپارات".
ەسكە سالساق, اتالعان ەكٸ كوماندا ۆ توبىندا سىنعا تٷسەدٸ. قارسىلاستارى – بەلگييا جەنە دانييا.
العاشقى تۋردا رەسەي بەلگيياعا 0:3 ەسەبٸمەن جول بەرسە, فينلياندييا دانييادان 1:0 ەسەبٸمەن باسىم تٷستٸ.
ەكٸ كوماندا بۇعان دەيٸن بەس مەرتە كەزدەسكەن. ونىڭ تٶرتەۋٸندە رەسەيلٸكتەر جەڭٸسكە جەتسە, بٸرەۋٸندە فينلياندييالىق فۋتبولشىلاردىڭ مەرەيٸ ٷستەم بولدى.
ايتا كەتەرلٸگٸ, فينلياندييا بٷگٸنگٸ قارسىلاسىن 109 جىل بۇرىن ستوكگولم وليمپياداسىندا 2:1 ەسەبٸمەن جەڭگەن بولاتىن.
بٷگٸنگٸ كەزدەسۋدە قوس قۇرامانىڭ جەڭٸسكە جەتۋ مٷمكٸندٸگٸ بار ەدٸ. ەكەۋٸنٸڭ دە تاراپىنان گول سوعاتىن بٸرنەشە سەت كەزدەستٸ.
بٸرٸنشٸ كەزەڭنٸڭ 45-مينۋتىندا رەسەيلٸك الەكسەي ميرانچۋك قارسىلاستار قاقپاشىسىن قاپى قالدىرىپ كەتتٸ.
ەكٸنشٸ كەزەڭدە ەكەۋٸندە دە ەسەپتٸ ٶزگەرتەتٸن بٸرنەشە مٷمكٸندٸك بولعان ەدٸ. دەگەنمەن تابلوداعى ەسەپ ٶزگەرٸسسٸز قالدى.
كەزدەسۋدە رەسەي قارسىلاسىنان 1:0 ەسەبٸمەن باسىم تٷسٸپ, تۋرنير كەستەسٸندەگٸ جاعدايىن جاقسارتتى.
سونداي-اق, اتالعان توپتاعى دانييا مەن بەلگييا كەزدەسۋٸ 17 ماۋسىمدا ەلوردا ۋاقىتىمەن 21:50-دە ٶتكٸزٸلەدٸ.
ايتا كەتەيٸك, اتالعان توپتاعى ٷشٸنشٸ تۋر ويىندارى 21 ماۋسىمدا ٶتكٸزٸلەدٸ. بۇل كٷنٸ فينلياندييا مەن بەلگييا, رەسەي مەن دانييا قۇرامالارى شەبەرلٸك بايقاسادى.
