Fýtboldan Eýropa chempionatynyń finaldyq satysynyń toptyq kezeńinde S tobynda 1/8 finalǵa shyqqan quramalar anyqtaldy, dep habarlaidy "Ult aqparat".
Atalǵan toptaǵy eki oiyn da bir ýaqytta bastaldy. Nátijesinde 1/8 finalǵa shyqqan quramalar belgili boldy.
Alǵashqy kezdesýde Niderlandy men Soltústik Makedoniia sheberlik baiqasty. Olardyń týrnir kestesindegi jaǵdaiy túrlishe bolatyn. Niderlandy alǵashqy eki týrda upaidan shashaý shyǵarmai, birinshi orynǵa jaiǵasty.
Al Soltústik Makedoniia eki oiynda da qarsylastaryna ese jiberip, týrnir kestesinde sońǵy oryndy mise tutty.
Búgingi kezdesýde Niderlandy qarsylasynan basymyraq oinady. Nátijesinde 24-minýtta Memfis Depai mergendigimen kózge tústi. Al Jorjino Veinaldým 51, 58-minýttarda esepti eseledi.
Osylaisha Niderlandy Avstriiany 3:0 esebimen jeńip, óz tobynda birinshi oryn aldy. Endi olar 1/8 finalda baq synaidy.
Aita keterligi, Avstriia atalǵan qarsylasynan 1990 jyldan beri basym túse almai keledi. Sodan beri jeti oiynda da niderlandylyq quramanyń aiy ońynan týyp tur.
Búgin atalǵan toptaǵy taǵy bir kezdesýde Ýkraina men Avstriia jasyl alańǵa shyqty. Úsh upai jinaǵan eki quramanyń týrnir kestesindegi jaǵdaiy birdei bolatyn. Sondyqtan jeńiske jetken qurama jarystyń kelesi satysyna birden joldama alý múmkindigine ie edi.
Oiyn barysynda birinshi kezeńde avstriialyq fýtbolshylardyń gol soǵatyn birneshe múmkindigi týdy. Sol sátterdiń birinde Kristof Baýmgartner 21-minýtta óziniń yńǵaiyna kelgen dopty qaqpa torynda týlatty.
Kezdesýde Avstriia qarsylasyn 1:0 esebimen basym túsip, jarysty jalǵastyrýǵa múmkindik aldy.
Quramalar buǵan deiin eki márte joldastyq kezdesýde kúsh synasyp, bir-birden jeńiske jetti.
