فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭٸندە س توبىندا 1/8 فينالعا شىققان قۇرامالار انىقتالدى, دەپ حابارلايدى "ۇلت اقپارات".
اتالعان توپتاعى ەكٸ ويىن دا بٸر ۋاقىتتا باستالدى. نەتيجەسٸندە 1/8 فينالعا شىققان قۇرامالار بەلگٸلٸ بولدى.
العاشقى كەزدەسۋدە نيدەرلاندى مەن سولتٷستٸك ماكەدونييا شەبەرلٸك بايقاستى. ولاردىڭ تۋرنير كەستەسٸندەگٸ جاعدايى تٷرلٸشە بولاتىن. نيدەرلاندى العاشقى ەكٸ تۋردا ۇپايدان شاشاۋ شىعارماي, بٸرٸنشٸ ورىنعا جايعاستى.
ال سولتٷستٸك ماكەدونييا ەكٸ ويىندا دا قارسىلاستارىنا ەسە جٸبەرٸپ, تۋرنير كەستەسٸندە سوڭعى ورىندى مٸسە تۇتتى.
بٷگٸنگٸ كەزدەسۋدە نيدەرلاندى قارسىلاسىنان باسىمىراق وينادى. نەتيجەسٸندە 24-مينۋتتا مەمفيس دەپاي مەرگەندٸگٸمەن كٶزگە تٷستٸ. ال جورجينو ۆەينالدۋم 51, 58-مينۋتتاردا ەسەپتٸ ەسەلەدٸ.
وسىلايشا نيدەرلاندى اۆسترييانى 3:0 ەسەبٸمەن جەڭٸپ, ٶز توبىندا بٸرٸنشٸ ورىن الدى. ەندٸ ولار 1/8 فينالدا باق سىنايدى.
ايتا كەتەرلٸگٸ, اۆسترييا اتالعان قارسىلاسىنان 1990 جىلدان بەرٸ باسىم تٷسە الماي كەلەدٸ. سودان بەرٸ جەتٸ ويىندا دا نيدەرلاندىلىق قۇرامانىڭ ايى وڭىنان تۋىپ تۇر.
بٷگٸن اتالعان توپتاعى تاعى بٸر كەزدەسۋدە ۋكراينا مەن اۆسترييا جاسىل الاڭعا شىقتى. ٷش ۇپاي جيناعان ەكٸ قۇرامانىڭ تۋرنير كەستەسٸندەگٸ جاعدايى بٸردەي بولاتىن. سوندىقتان جەڭٸسكە جەتكەن قۇراما جارىستىڭ كەلەسٸ ساتىسىنا بٸردەن جولداما الۋ مٷمكٸندٸگٸنە يە ەدٸ.
ويىن بارىسىندا بٸرٸنشٸ كەزەڭدە اۆسترييالىق فۋتبولشىلاردىڭ گول سوعاتىن بٸرنەشە مٷمكٸندٸگٸ تۋدى. سول سەتتەردٸڭ بٸرٸندە كريستوف باۋمگارتنەر 21-مينۋتتا ٶزٸنٸڭ ىڭعايىنا كەلگەن دوپتى قاقپا تورىندا تۋلاتتى.
كەزدەسۋدە اۆسترييا قارسىلاسىن 1:0 ەسەبٸمەن باسىم تٷسٸپ, جارىستى جالعاستىرۋعا مٷمكٸندٸك الدى.
قۇرامالار بۇعان دەيٸن ەكٸ مەرتە جولداستىق كەزدەسۋدە كٷش سىناسىپ, بٸر-بٸردەن جەڭٸسكە جەتتٸ.
