Fýtboldan Eýropa chempionatynyń shirek finalyna joldama alǵan úshinshi qurama anyqtaldy, dep habarlaidy "Ult aqparat".
Dúbirli dodanyń 1/8 finalyndaǵy ekinshi kezdesýde Niderlandy men Chehiia jasyl alańǵa shyqty.
Eki qurama buǵan deiin 11 márte kezdesti. Onyń 5-de Chehiia basym túsip, 3-de Niderlandynyń mereii ústem boldy, qalǵanynda teń nátije tirkeldi.
Aita keterligi, sońǵy ret Niderlandy atalǵan qarsylasyn 2005 jyldyń 18 qazanynda álem chempionatyna irikteý kezeńinde jeńgen bolatyn. Sodan beri eki kezdesýde chehiialyqtar basym tústi.
Búgingi kezdesýde qos qurama terezesi teń deńgeide oiyn kórsetti. Ekinshi kezeńniń 55-minýtynda niderlandylyq Matteis de Ligt qyzyl qaǵaz alyp, alańnan qýyldy. Budan keiin niderlandylyq fýtbolshylar tizgindi qarsylastaryna berip qoiǵandai kórindi.
Nátijesinde chehiialyqtar qatarynan Tomash Golesh 68-minýtta esep ashsa, 80-minýtta Patrik Chik esepti ústemelei tústi.
Oiynda Chehiia qarsylasyn 2:0 esebimen jeńdi. Endi olar 3 shildede shirek finalda Ázerbaijan astanasy Baký qalasyndaǵy Olimpiada stadionynda sheberlik baiqasady.
Eske salsaq, budan buryn Daniia Ýelsti 4:0 esebimen jeńip, Italiia Aýstriiany overtaimda 2:1 esebimen tize búktirdi.
Aita ketsek, jarystyń 1/8 finalynda endi búgin, 27 maýsymda Belgiia men Portýgaliia quramalary kezdesedi. Al 28 maýsymda Horvatiia men Ispaniia, Frantsiia men Shveitsariia, 29 maýsymda Angliia men Germaniia, Shvetsiia men Ýkraina jasyl alańǵa shyǵady.
