فۋتبولدان ەۋروپا چەمپيوناتىنىڭ شيرەك فينالىنا جولداما العان ٷشٸنشٸ قۇراما انىقتالدى, دەپ حابارلايدى "ۇلت اقپارات".
دٷبٸرلٸ دودانىڭ 1/8 فينالىنداعى ەكٸنشٸ كەزدەسۋدە نيدەرلاندى مەن چەحييا جاسىل الاڭعا شىقتى.
ەكٸ قۇراما بۇعان دەيٸن 11 مەرتە كەزدەستٸ. ونىڭ 5-دە چەحييا باسىم تٷسٸپ, 3-دە نيدەرلاندىنىڭ مەرەيٸ ٷستەم بولدى, قالعانىندا تەڭ نەتيجە تٸركەلدٸ.
ايتا كەتەرلٸگٸ, سوڭعى رەت نيدەرلاندى اتالعان قارسىلاسىن 2005 جىلدىڭ 18 قازانىندا ەلەم چەمپيوناتىنا ٸرٸكتەۋ كەزەڭٸندە جەڭگەن بولاتىن. سودان بەرٸ ەكٸ كەزدەسۋدە چەحييالىقتار باسىم تٷستٸ.
بٷگٸنگٸ كەزدەسۋدە قوس قۇراما تەرەزەسٸ تەڭ دەڭگەيدە ويىن كٶرسەتتٸ. ەكٸنشٸ كەزەڭنٸڭ 55-مينۋتىندا نيدەرلاندىلىق ماتتەيس دە ليگت قىزىل قاعاز الىپ, الاڭنان قۋىلدى. بۇدان كەيٸن نيدەرلاندىلىق فۋتبولشىلار تٸزگٸندٸ قارسىلاستارىنا بەرٸپ قويعانداي كٶرٸندٸ.
نەتيجەسٸندە چەحييالىقتار قاتارىنان توماش گولەش 68-مينۋتتا ەسەپ اشسا, 80-مينۋتتا پاتريك چيك ەسەپتٸ ٷستەمەلەي تٷستٸ.
ويىندا چەحييا قارسىلاسىن 2:0 ەسەبٸمەن جەڭدٸ. ەندٸ ولار 3 شٸلدەدە شيرەك فينالدا ەزەربايجان استاناسى باكۋ قالاسىنداعى وليمپيادا ستاديونىندا شەبەرلٸك بايقاسادى.
ەسكە سالساق, بۇدان بۇرىن دانييا ۋەلستٸ 4:0 ەسەبٸمەن جەڭٸپ, يتالييا اۋسترييانى وۆەرتايمدا 2:1 ەسەبٸمەن تٸزە بٷكتٸردٸ.
ايتا كەتسەك, جارىستىڭ 1/8 فينالىندا ەندٸ بٷگٸن, 27 ماۋسىمدا بەلگييا مەن پورتۋگالييا قۇرامالارى كەزدەسەدٸ. ال 28 ماۋسىمدا حورۆاتييا مەن يسپانييا, فرانتسييا مەن شۆەيتسارييا, 29 ماۋسىمدا انگلييا مەن گەرمانييا, شۆەتسييا مەن ۋكراينا جاسىل الاڭعا شىعادى.
