Fýtboldan Eýropa chempionatynyń finaldyq satysynyń toptyq kezeńi ekinshi týrynda Belgiia men Daniia quramalary kezdesti, dep habarlaidy "Ult aqparat".
Eske salsaq, atalǵan eki qurama V tobynda synǵa túsedi. Qarsylastary – Resei jáne Finliandiia.
Alǵashqy týrda Belgiia Reseiden 3:0 esebimen basym tússe, Daniia Finliandiiaǵa 0:1 esebimen ese jiberdi.
Bul topta keshe, 16 maýsymda ekinshi týrda Resei Finliandiiany 1:0 esebimen tize búktirdi.
Eki qurama buǵan deiin 16 márte kezdesti. Onyń altaýynda Belgiia jeńip, altaýynda Daniia basym tússe, qalǵanynda teń nátije tirkeldi.
Búgingi kezdesýde qos quramanyń jeńiske jetýge umtylysy baiqalyp turdy. Aldymen daniialyq Iýssýf Poýlsen 2-minýtta esep ashty. Birinshi kezeńde jankúierler budan basqa gol kórgen joq.
Ekinshi kezeńde Belgiia quramasy aldymen tarazy basyn teńestirýge umtyldy. Nátijesinde 54-minýtta Torgan Azar mergendik tanytsa, Kevin De Brioine 70-minýtta óz quramasyn alǵa shyǵardy.
Aita keteiik, bul topta úshinshi týr oiyndary 21 maýsymda ótkiziledi. Bul kúni Finliandiia men Belgiia, Daniia men Resei quramalary sheberlik baiqasady.
