فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭٸ ەكٸنشٸ تۋرىندا بەلگييا مەن دانييا قۇرامالارى كەزدەستٸ, دەپ حابارلايدى "ۇلت اقپارات".
ەسكە سالساق, اتالعان ەكٸ قۇراما ۆ توبىندا سىنعا تٷسەدٸ. قارسىلاستارى – رەسەي جەنە فينلياندييا.
العاشقى تۋردا بەلگييا رەسەيدەن 3:0 ەسەبٸمەن باسىم تٷسسە, دانييا فينليانديياعا 0:1 ەسەبٸمەن ەسە جٸبەردٸ.
بۇل توپتا كەشە, 16 ماۋسىمدا ەكٸنشٸ تۋردا رەسەي فينلياندييانى 1:0 ەسەبٸمەن تٸزە بٷكتٸردٸ.
ەكٸ قۇراما بۇعان دەيٸن 16 مەرتە كەزدەستٸ. ونىڭ التاۋىندا بەلگييا جەڭٸپ, التاۋىندا دانييا باسىم تٷسسە, قالعانىندا تەڭ نەتيجە تٸركەلدٸ.
بٷگٸنگٸ كەزدەسۋدە قوس قۇرامانىڭ جەڭٸسكە جەتۋگە ۇمتىلىسى بايقالىپ تۇردى. الدىمەن دانييالىق يۋسسۋف پوۋلسەن 2-مينۋتتا ەسەپ اشتى. بٸرٸنشٸ كەزەڭدە جانكٷيەرلەر بۇدان باسقا گول كٶرگەن جوق.
ەكٸنشٸ كەزەڭدە بەلگييا قۇراماسى الدىمەن تارازى باسىن تەڭەستٸرۋگە ۇمتىلدى. نەتيجەسٸندە 54-مينۋتتا تورگان ازار مەرگەندٸك تانىتسا, كەۆين دە بريوينە 70-مينۋتتا ٶز قۇراماسىن العا شىعاردى.
ايتا كەتەيٸك, بۇل توپتا ٷشٸنشٸ تۋر ويىندارى 21 ماۋسىمدا ٶتكٸزٸلەدٸ. بۇل كٷنٸ فينلياندييا مەن بەلگييا, دانييا مەن رەسەي قۇرامالارى شەبەرلٸك بايقاسادى.
