Túrkistan oblysynyń Shardara aýdanyna Evropa armrestling federatsiiasynyń vitse-prezidenti Aleksandr Iakovits keldi. Horvatiia armrestling federatsiiasynyń prezidenti shaǵalaly aýdandaǵy sportshylarmen tájiribe almaspaq, dep habarlaidy "Ult aqparat".
Aleksandr Iakovits saparynyń maqsatyn búkil álemge tanylyp úlgergen Shardara armsport sport klýbyna kelýdi kópten beri oilap júrgendigimen túsindirdi. Ol osy komandaǵa kelip, chempiondarmen qaýyshqanyna óte qýanyshty ekenin aitty. Sondai-aq, mundai jattyǵý zalyn buryn-sońdy kórmegenin jetkizip, tańǵalysyn jasyrmady.
Sheteldik qonaq armreslingten álem chempiondarynyń jattyǵý barysyn beinekameraǵa túsirip, óz elinde maqtanyshpen kórsetetinin atap ótti. Osyndai komanda qurǵan Arman Qarsybaevqa alǵysyn bildirip, jattyqtyrýshynyń kóptegen memleketter jetpegen jetistikterge jetip júrgen komanda daiyndaǵanyna qurmet kórsetti. Qazir atalǵan komanda qazan aiynda Týrkiia eliniń Antaliia qalasynda ótetin Álem chempionatyna daiyndyq ústinde.
Aita keteiik, Arman Qarsybaev daiyndaǵan shardaralyq komanda búginde álemdik deńgeide úlken jetistikterge qol jetkizip keledi. Atap aitqanda, komandanyń 24 sportshysy álem chempiony atansa, olardyń jeteýi eki dúrkin álem chempiondyǵyn jeńip alǵan. Al komanda bapkeri Arman Qarsybaev - Aziianyń 2004 jylǵy absoliýtti chempiony, Qazaqstannyń eńbek sińirgen jattyqtyrýshysy.
