تٷركٸستان وبلىسىنىڭ شاردارا اۋدانىنا ەۆروپا ارمرەستلينگ فەدەراتسيياسىنىڭ ۆيتسە-پرەزيدەنتٸ الەكساندر ياكوۆيتس كەلدٸ. حورۆاتييا ارمرەستلينگ فەدەراتسيياسىنىڭ پرەزيدەنتٸ شاعالالى اۋدانداعى سپورتشىلارمەن تەجٸريبە الماسپاق, دەپ حابارلايدى "ۇلت اقپارات".
الەكساندر ياكوۆيتس ساپارىنىڭ ماقساتىن بٷكٸل ەلەمگە تانىلىپ ٷلگەرگەن شاردارا ارمسپورت سپورت كلۋبىنا كەلۋدٸ كٶپتەن بەرٸ ويلاپ جٷرگەندٸگٸمەن تٷسٸندٸردٸ. ول وسى كومانداعا كەلٸپ, چەمپيوندارمەن قاۋىشقانىنا ٶتە قۋانىشتى ەكەنٸن ايتتى. سونداي-اق, مۇنداي جاتتىعۋ زالىن بۇرىن-سوڭدى كٶرمەگەنٸن جەتكٸزٸپ, تاڭعالىسىن جاسىرمادى.
شەتەلدٸك قوناق ارمرەسلينگتەن ەلەم چەمپيوندارىنىڭ جاتتىعۋ بارىسىن بەينەكامەراعا تٷسٸرٸپ, ٶز ەلٸندە ماقتانىشپەن كٶرسەتەتٸنٸن اتاپ ٶتتٸ. وسىنداي كوماندا قۇرعان ارمان قارسىباەۆقا العىسىن بٸلدٸرٸپ, جاتتىقتىرۋشىنىڭ كٶپتەگەن مەملەكەتتەر جەتپەگەن جەتٸستٸكتەرگە جەتٸپ جٷرگەن كوماندا دايىنداعانىنا قۇرمەت كٶرسەتتٸ. قازٸر اتالعان كوماندا قازان ايىندا تۋركييا ەلٸنٸڭ انتالييا قالاسىندا ٶتەتٸن ەلەم چەمپيوناتىنا دايىندىق ٷستٸندە.
ايتا كەتەيٸك, ارمان قارسىباەۆ دايىنداعان شاردارالىق كوماندا بٷگٸندە ەلەمدٸك دەڭگەيدە ٷلكەن جەتٸستٸكتەرگە قول جەتكٸزٸپ كەلەدٸ. اتاپ ايتقاندا, كوماندانىڭ 24 سپورتشىسى ەلەم چەمپيونى اتانسا, ولاردىڭ جەتەۋٸ ەكٸ دٷركٸن ەلەم چەمپيوندىعىن جەڭٸپ العان. ال كوماندا باپكەرٸ ارمان قارسىباەۆ - ازييانىڭ 2004 جىلعى ابسوليۋتتٸ چەمپيونى, قازاقستاننىڭ ەڭبەك سٸڭٸرگەن جاتتىقتىرۋشىسى.
