Foto: ©REUTERS
Eýroodaq (EO) Ýkrainany qarýlandyrýdy jalǵastyrady, - dep habarlaidy Tengrinews.kz tilshisi Eýrokomissiia saityna silteme jasap.
Eýroodaqtyń syrtqy ister jáne qaýipsizdik saiasaty jónindegi joǵarǵy ókili Jozep Borrel odaq Reseimen tikelei qaqtyǵysty boldyrmai, Ýkrainaǵa "kóbirek qarý berýge" daiyn ekenin aitty.
"Biz Ýkrainany qoldaýdy jalǵastyrýymyz kerek. Soǵys tezirek aiaqtalǵanyn qalaimyz", - dedi ol.
Borrel eýropalyq seriktester Ýkrainadaǵy qaqtyǵystyń tezirek toqtaǵanyn qalaitynyn aitty.
Bul rette Chehiia Ýkrainaǵa tankter jiberilgenin rastady. Chehiia parlamentiniń eýropalyq ister jónindegi komiteti basshysy Ondrjei Beneshik Chehiia Ýkrainaǵa jaiaý áskerdiń jaýyngerlik mashinalary men T-72 tankterin jetkizgenin aitty.
Buǵan deiin Jozep Borrel EO Reseimen soǵyspaidy, biraq qazirgi jaǵdaida Ýkrainany qoldaitynyn aitqan.
