Eýroodaq Qyrym men Sevastopolge bailanysty Reseige salǵan ekonomikalyq sanktsiia merzimin taǵy bir jylǵa uzartty. Bul týraly Eýroodaq keńesiniń málimdemesinde aitylady.
Sanktsiia Qyrym ekonomikasyna investitsiia salýǵa jáne týristik qyzmet kórsetýge tyiym salady. Qyrymdaǵy kásiporyndar óz kezeginde Eýroodaqqa ónimderi men tabiǵi resýrstardy importtai almaidy. Sanktsiia aiasynda ózge de shekteýler qarastyrylǵan.
Eýropa Odaǵy Reseige qarsy sanktsiialaryn 2014 jyly engizgen. Bul shekteý sharalardy Máskeýdiń Qyrymdy anneksiialap alýyna jáne Donbastaǵy separatisterdi qoldaýyna bailanysty salǵan. Sodan beri Eýroodaq sanktsiialarynyń merzimin ár jarty jyl saiyn uzartyp keledi. Sanktsiialar tizimi únemi tolyqtyrylyp, naqtylanyp otyrady.
Resei Ýkrainanyń shyǵysyndaǵy janjalǵa qatysy baryn joqqa shyǵarady, al Qyrymdy ózine qosyp alýyn Máskeý "tarihi ádilettilikti qalpyna keltirý" dep ataidy.
