Eýroodaq Ýkrainada soǵys bastalǵaly beri qabyldanyp jatqan sanktsiialardyń altynshy paketi aiasynda Reseige qarsy munai embargosyn engizýdi kózdep otyr.
EO elderinde úsh memlekettik telearnany kórsetýge jáne Sberbankke tyiym salynǵan. Sonymen qatar taǵy eki iri bank halyqaralyq SWIFT bankaralyq júiesinen ajyratylmaq. Eýrokomissiia basshysy Ýrsýla fon der Liaien osylai dep habarlady, dep jazady Azattyq.
Eýroodaq Kiev túbindegi Býchadaǵy áskeri qylmysqa qatysy bar reseilikterdiń tizimin jasap, olardy jaýapqa tartýdy kózdep otyr. France-Presse agenttiginiń habarlaýynsha, Orys pravoslav shirkeýiniń patriarhy Kirill (Gýndiaev) de sanktsiia tiziminde bar.
Munai embargosyna Vengriia men Slovakiia qosylmaidy. Bul elder orys eksportyna táýeldi. Olar Reseiden 2023 jyldyń sońyna deiin munai satyp ala alady.
Sanktsiia júzege asý úshin ony EO elderiniń bári maquldaýy tiis. Munyń aldynda munai importyn shekteýge Vengriia qarsy shyqqan, biraq oǵan deiin Býdapesht shekteý týraly usynystardy qoldap kelgen.
