Eýroodaq jetekshileri Reseimen sammit ótkizý týraly ideiany qoldamady. Buǵan deiin mundai usynysty Germaniia men Frantsiia jasaǵan, dep habarlady Azattyq.
Resei basshysy Vladimir Pýtinmen tike kelissóz júrgizý ideiasyna odaqtyń onnan astam múshesi qarsy boldy. Ideiany qoldamaǵandardyń basym bóligi – Shyǵys jáne Ortalyq Eýropa elderi.
Litva prezidenti Gitanas Naýseda Briýsseldegi sammittiń alǵashqy kúni aiaqtalǵan kezde Vladimir Pýtinmen kezdesý jaily sóz qozǵaý ázirge erte, sebebi Resei áreketinen iri ózgeris baiqalmaidy, al Máskeýmen qarym-qatynas barǵan saiyn nasharlap barady dedi. Onyń sózinen BBC agenttigi úzindi keltirdi.
Bloomberg agenttigi Eýroodaq sammiti kezinde kóptegen el basshysy ideiany quptamady nemese "sońǵy sátte" talqylanýyn qup kórmedi dep jazdy.
Beisenbi kúni Briýsselde sammit bastalǵan kezde Germaniia kantsleri Angela Merkel Eýroodaq elderin Resei basshysymen tike kelissóz júrgizýge shaqyrǵan. Kóbi mundai usynysty kútpegen. Onyń ideiasyn Frantsiia prezidenti Emmanýel Makron qoldaǵan.
Jumaǵa qaraǵan túni Merkel taraptardyń kelisimge kelgenin rastady. "Jeke óz basym qandai da bir batyl qadam bolǵanyn qalaǵanmyn, biraq munyń ózi de jaman emes, ári qarai da jumys istei beremiz" dedi Merkel. Onyń sózine qaraǵanda, EO Reseimen dialog ornatýdyń túrli múmkindikterin qarastyrady.
Eýroodaq jetekshileri odaq múddesine sáikes keletin máseleler boiynsha Máskeýmen ózara qarym-qatynas ornatý qajettigin atap ótken. Mundai máseleler arasynda densaýlyq saqtaý salasy, klimat, ekologiia, syrtqy saiasat máseleleri, onyń ishinde Siriia, Liviia, Iran máselesi de bar.
Eýroodaq jetekshileri sonymen birge Eýrokomissiia men Eýrodaqtyń syrtqy saiasat jónindegi joǵarǵy ókili Jozep Borrelge Reseidegi azamattyq qoǵamǵa qoldaý kórsetý jáne Resei tarabynan kelýi múmkin yqtimal ziiandy árekettermen kúres boiynsha usynystar ázirleýdi tapsyrǵan.
