Eýropa odaǵynyń syrtqy saiasi qyzmeti jónindegi resmi ókili Maiia Kosianchich Nazarbaevtyń otstavkasy týraly pikir bildirdi, dep habarlaidy Sputnik.
"Nursultan Nazarbaev 30 jyl boiyna konstitýtsiialyq reformalarmen qosa jańǵyrý reformalaryn júzege asyryp, alǵa jyljytty. Ol – beibitshilik, turaqtylyq pen qaýipsizdikti qamtamasyz etý úshin qolǵabys etýge airyqsha mán berip, óńirlik, sonymen qatar jahandyq deńgeidegi yntymaqtastyqty damytýda mańyzdy ról atqarǵan tulǵa", - dedi M.Kosianchich.
Sonymen qatar sheteldik resmi ókil Qazaqstan Eýropalyq odaq úshin osy aimaqtaǵy mańyzdy áriptes el bolyp qala beretinin basa aitty.
"Eýropa odaǵy úshin osy óńirdegi mańyzdy seriktestiń biri Qazaqstan bolyp qalady beredi. Óitkeni ol Ortalyq Aziia elderiniń ishinde EO-men keńeitilgen seriktestik jáne yntymaqtastyq týraly kelisimge eń birinshi qol qoiǵan edi. Eýropa odaǵy Qazaqstannyń eń birinshi saýda seriktesi ári investory bolyp sanalady", - dedi ol.
