Eýroodaq elderi ýkrain áskerin daiyndyqtan ótkizý boiynsha arnaiy missiia qurý jóninde kelisti. Bul týraly Eýroodaqtyń syrtqy saiasat jáne qaýipsizdik boiynsha Joǵarǵy ókili Jozep Borrel EO qorǵanys ministrleriniń resmi emes kezdesýinde aitty. Jiyn Pragada ótip jatyr, dep habarlaidy Azattyq.
Onyń sózinshe, EO Ýkrainaǵa sarbazdaryn daiyndyqtan ótkizý boiynsha kómektesip keledi. Biraq olarǵa jaqsy úilestirý jumystaryn úiretý kerek dedi.
Arnaiy missiia qalai jumys isteitinin Jozep Borrel naqty aitpady. Biraq ýkrain sarbazdaryn EO-ǵa múshe kórshi elderde daiyndyqtan ótkizemiz edi.
Pragadaǵy kezdesýde Borreldiń bul ideiasyn bári birdei qoldamady. Liýksembýrgtiń qorǵanys ministri Fransýa Baýsh bul ideiaǵa kúdikpen qarady. Ol bul másele ekijaqty kelissózde sheshilýi tiis degen. Avstriia qorǵanys ministri Klaýdiia Tanner de osyndai oi aitqan.
Budan bólek Pragaǵa kelgen Eýroodaqtyń syrtqy ister ministrleri Resei men Belarýs azamattaryna shengen vizasyn shekteý jónindegi máseleni talqylap jatyr. Baltyq elderi, Polsha jáne Niderland viza berýge tolyq tyiym salýy kerek dese, Germaniia men Frantsiia jeńildetilgen vizany ǵana alyp tastaý kerek deidi.
