ەۋرووداق ەلدەرٸ ۋكراين ەسكەرٸن دايىندىقتان ٶتكٸزۋ بويىنشا ارنايى ميسسييا قۇرۋ جٶنٸندە كەلٸستٸ. بۇل تۋرالى ەۋرووداقتىڭ سىرتقى ساياسات جەنە قاۋٸپسٸزدٸك بويىنشا جوعارعى ٶكٸلٸ جوزەپ بوررەل ەو قورعانىس مينيسترلەرٸنٸڭ رەسمي ەمەس كەزدەسۋٸندە ايتتى. جيىن پراگادا ٶتٸپ جاتىر, دەپ حابارلايدى ازاتتىق.
ونىڭ سٶزٸنشە, ەو ۋكرايناعا ساربازدارىن دايىندىقتان ٶتكٸزۋ بويىنشا كٶمەكتەسٸپ كەلەدٸ. بٸراق ولارعا جاقسى ٷيلەستٸرۋ جۇمىستارىن ٷيرەتۋ كەرەك دەدٸ.
ارنايى ميسسييا قالاي جۇمىس ٸستەيتٸنٸن جوزەپ بوررەل ناقتى ايتپادى. بٸراق ۋكراين ساربازدارىن ەو-عا مٷشە كٶرشٸ ەلدەردە دايىندىقتان ٶتكٸزەمٸز ەدٸ.
پراگاداعى كەزدەسۋدە بوررەلدٸڭ بۇل يدەياسىن بەرٸ بٸردەي قولدامادى. ليۋكسەمبۋرگتٸڭ قورعانىس مينيسترٸ فرانسۋا باۋش بۇل يدەياعا كٷدٸكپەن قارادى. ول بۇل مەسەلە ەكٸجاقتى كەلٸسسٶزدە شەشٸلۋٸ تيٸس دەگەن. اۆسترييا قورعانىس مينيسترٸ كلاۋدييا تاننەر دە وسىنداي وي ايتقان.
بۇدان بٶلەك پراگاعا كەلگەن ەۋرووداقتىڭ سىرتقى ٸستەر مينيسترلەرٸ رەسەي مەن بەلارۋس ازاماتتارىنا شەنگەن ۆيزاسىن شەكتەۋ جٶنٸندەگٸ مەسەلەنٸ تالقىلاپ جاتىر. بالتىق ەلدەرٸ, پولشا جەنە نيدەرلاند ۆيزا بەرۋگە تولىق تىيىم سالۋى كەرەك دەسە, گەرمانييا مەن فرانتسييا جەڭٸلدەتٸلگەن ۆيزانى عانا الىپ تاستاۋ كەرەك دەيدٸ.
