Eýropada gaz baǵasynyń sharyqtaýy keibir tutynýshylardy lignit, kómir siiaqty aýaǵa kóp ziiandy zattar shyǵaratyn otyn túrlerin paidalanýǵa itermelep otyr. Bul jóninde Evroniýs arnasy habarlady.
Eýropanyń kóptegen elderi jasyl energiia kózine birtindep kóshýge daiyndyq jasap jatqan shaqta osyndai aqparat tarap otyr.
Keiingi kezde Eýropada kómir men kómirsýtek qunynyń edáýir óskenine qaramastan gaz qunymen salystyrǵanda onyń baǵasy edáýir arzan.
Al Varshava men Praga arasynda "Týrov" kómir shahtasyna bailanysty daý ýshyqqan. Polsha Chehiiamen shekarada ornalasqan kómir óndiretin kásipornyn jabýdan bas tartty. Liýksembýrgte shoǵyrlanǵan Eýroodaq soty atalǵan shahtany jabý týraly sheshimdi oryndamaǵany úshin Varshavany kún saiyn jarty million eýro tóleýge mindettegen. Praganyń aitýynsha, eldiń soltústigindegi eldi meken halqy kómir tútinine tunshyǵyp, zardap shegip otyr.
