ەۋروپادا گاز باعاسىنىڭ شارىقتاۋى كەيبٸر تۇتىنۋشىلاردى ليگنيت, كٶمٸر سيياقتى اۋاعا كٶپ زيياندى زاتتار شىعاراتىن وتىن تٷرلەرٸن پايدالانۋعا يتەرمەلەپ وتىر. بۇل جٶنٸندە ەۆرونيۋس ارناسى حابارلادى.
ەۋروپانىڭ كٶپتەگەن ەلدەرٸ جاسىل ەنەرگييا كٶزٸنە بٸرتٸندەپ كٶشۋگە دايىندىق جاساپ جاتقان شاقتا وسىنداي اقپارات تاراپ وتىر.
كەيٸنگٸ كەزدە ەۋروپادا كٶمٸر مەن كٶمٸرسۋتەك قۇنىنىڭ ەدەۋٸر ٶسكەنٸنە قاراماستان گاز قۇنىمەن سالىستىرعاندا ونىڭ باعاسى ەدەۋٸر ارزان.
ال ۆارشاۆا مەن پراگا اراسىندا "تۋروۆ" كٶمٸر شاحتاسىنا بايلانىستى داۋ ۋشىققان. پولشا چەحييامەن شەكارادا ورنالاسقان كٶمٸر ٶندٸرەتٸن كەسٸپورنىن جابۋدان باس تارتتى. ليۋكسەمبۋرگتە شوعىرلانعان ەۋرووداق سوتى اتالعان شاحتانى جابۋ تۋرالى شەشٸمدٸ ورىنداماعانى ٷشٸن ۆارشاۆانى كٷن سايىن جارتى ميلليون ەۋرو تٶلەۋگە مٸندەتتەگەن. پراگانىڭ ايتۋىنشا, ەلدٸڭ سولتٷستٸگٸندەگٸ ەلدٸ مەكەن حالقى كٶمٸر تٷتٸنٸنە تۇنشىعىپ, زارداپ شەگٸپ وتىر.
