Eýropalyq Odaqtyń memleket jáne úkimet basshylary Reseidiń áskeri operatsiiasy aiaqtalǵannan keiin eldi qalpyna keltirýdi qarjylandyrý úshin Ýkrainamen yntymaqtastyqtyń senimdi qoryn qurýǵa kelisti. Bul týraly Briýsselde Eýroodaq sammitiniń birinshi kúngi málimdemesinde aityldy, dep habarlaidy QazAqparat TASS agenttigine silteme jasap.
«Resei áskeriniń Ýkrainaǵa keltirgen qiratýlar men aýqymdy shyǵyndaryn eskere otyryp, EO Ýkraina úkimetine onyń shuǵyl qajettilikterin qanaǵattandyrý jáne Reseidiń shabýyly aiaqtalǵannan keiin demokratiialyq Ýkrainany qalpyna keltirý úshin qoldaý kórsetýge daiyn. Osy maqsatta Eýropalyq keńes Ýkrainamen yntymaqtastyq qoryn qurýǵa kelisip, oǵan halyqaralyq seriktesterin qatysýǵa shaqyrady, sondai-aq daiyndyqty keshiktirmei bastaýǵa úndep otyr», - delingen málimdemede.
Sammitke qatysýshylar sonymen qatar Kievke Liviia men Siriiaǵa kómek kórsetý úshin ótkizilgen turaqty konferentsiialar siiaqty halyqaralyq donorlar konferentsiiasyn ótkizýge ýáde berdi.
Qujatta Eýropalyq Odaqtyń Ýkrainaǵa saiasi, qarjylyq, materialdyq jáne gýmanitarlyq qoldaý kórsetýdi jalǵastyratyny basa aitylǵan.
Eýroodaq elderiniń kóshbasshylary sondai-aq Resei men Belarýske qarsy jańa qatań sanktsiialar engizýge daiyn ekenin málm etti. «Sanktsiialardan ainalyp ótý nemese Reseige basqa da jolmen kómektesý áreketine jol berilmeýi tiis», - dedi olar.
Sonymen qatar, Eýroodaq elderiniń basshylary Ýkrainany gaz jáne elektr qýatymen úzdiksiz qamtamasyz etýge daiyn ekenin bildirdi.
