Búgin Eýropalyq komissiia tóraǵasy Ýrsýla fon der Liaien Ýkraina astanasyna saparmen barady, dep habarlaidy QazAqparat.
Ý.Liaien juma kúni tańerteń Twitter-degi paraqshasynda Kiev qalasyna ketetinin jazdy. Áleýmettik jelidegi jazbaǵa eýropalyq delegatsiianyń temirjol platformasyndaǵy fotosýreti birge salynǵan.
Sondai-aq, Eýroodaqtyń joǵary atqarýshy organynyń basshysymen Eýroodaqtyń halyqaralyq ister jáne qaýipsizdik saiasaty jónindegi Joǵarǵy ókili Jozep Borrell birge barady. Eýropalyq Odaqtyń joǵary laýazymdy ókilderi Ýkraina prezidenti V.Zelenskiimen jeke kezdesý ótkizedi dep josparlanǵan.
