Eýraziialyq integratsiia bilim men ǵylym salasyndaǵy bailanystardyń nyǵaiýyna sep boldy. Mundai pikirdi «Eýraziialyq integratsiia - N.Nazarbaevtyń tarihi bastamasy» taqyrybyndaǵy onlain rejimde ótken telekópir barysynda L.Gýmilev atyndaǵy Eýraziia ulttyq ýniversiteti saiasattaný kafedrasynyń meńgerýshisi Indira Rystina bildirdi, dep habarlaidy QazAqparat tilshisi.
«Bul ideia bastapqy kezinen-aq memleketterdiń yqpaldasýy, qandai da bir jobany birlesip júzege asyrý úshin qajetti bastama bolǵan edi. Onyń tarihi, jalpy jahandaný kezeńindegi mańyzy óte joǵary. Memleketter ózara yntymaqtasyp, bir-birimen qarym-qatynas ornatýda erekshe sharttarǵa basymdyq beretindigi sózsiz. Osy turǵydan alǵanda tek ekonomikadaǵy ǵana emes sonymen birge qazirgi bilim men ǵylym salasyndaǵy bailanystardyń nyǵaiýy integratsiia jemisi dep aitýǵa bolady», - dedi ol.
Onyń atap ótýinshe, búginde Qazaqstannyń kóptegen stýdentteri eýraziialyq integratsiia jemisin kórip otyr. Olar akademiialyq utqyrlyq aiasynda, ózara jasalǵan kelisimsharttardyń arqasynda eýraziialyq integratsiiaǵa kiretin memleketterdiń joǵary oqý oryndarynda bilimderin jetildirýge múmkindik aldy.
«Búgingi sharany uiymdastyrý jaiyna keler bolsaq, basty maqsat eýraziialyq integratsiiany ómirge ákelýdegi Elbasy Nursultan Nazarbaevtyń erekshe bastamalaryna, kóregen saiasatyna basa mán berý ekendigi sózsiz. Búginde osy integratsiianyń arqasynda kóptegen memleketaralyq kelisim sharttar jasalyp, óz tiimdiligin kórsetip otyr», - dedi Indira Rystina.
Eýraziia ulttyq ýniversiteti men M.Lomonosov atyndaǵy MMÝ-diń Qazaqstandaǵy filialy birlesip uiymdastyrǵan telekópir barysynda eýraziialyq integratsiianyń tujyrymdamalyq máseleleri, odaq memleketteriniń bilimi men ekonomikalyq ósimi arasyndaǵy ózara bailanys, ǵylym men zamanaýi innovatsiialyq tehnologiialardy damytý, eýraziialyq ekonomika jáne mádeni yntymaqtastyq vektorlary talqylandy.
.jpeg)