Qazaqstan Prezidenti Nursultan Nazarbaev "MIR" telearnasyna bergen ekskliýziv suhbatynda Eýraziialyq ekonomikalyq odaqtyń tiimdirek jumys isteýi úshin ne isteý kerek ekenin aityp berdi, - dep habarlaidy kaz.tengrinews.kz.
"Eýraziialyq ekonomikalyq odaqtyń barlyq múshesin bir deńgeige tartý kerek. Qazir bireýi bir jaqta, bireýi ortada, taǵy bireýi tipti tómende qalyp qaldy. Másele osynda bolyp tur. Barlyǵy teń jumys isteýi úshin olardy bir deńgeige tartý kerek. Iaǵni, bul jerde memleket oǵan bireýler kómektesedi dep úmittenip otyrady. Biraq bulai bolmaidy, naryq ekonomikasynda eshkim tegin eshteńe bermeidi. Sol úshin árqaisysy jumys isteýi kerek. Árine, kómektesý de kerek. Munyń barlyǵyn saýda arqyly, taýar ainalymy arqyly nemese shekaralardy asha otyryp saýda úshin naryq ashý arqyly jasaýǵa bolady. Biraq qaitalap aitamyn - árbir memleket belgili bir deńgeige jetý kerek", - dedi Nursultan Nazarbaev.
Eske sala keteiik, Memleket basshysy osyǵan deiin "MIR" telearnasyna bergen suhbatynda ujymdyq qaýipsizdik sharty uiymynyń óńirlik qaýipsizdikti qamtamasyz etýdegi róli, uiymnyń institýtsionaldyq damýy jáne bul úderisterge Qazaqstannyń qosqan úlesi jónindegi saýaldaryna jaýap berdi.
Sondai-aq, Qazaqstan Prezidenti Ujymdyq qaýipsizdik sharty uiymy men NATO-nyń uqsastyǵy jóninde pikir bildirip, bul uiymdardyń sipaty men qurylýyndaǵy mindetteriniń aiyrmashylyqtaryna toqtalǵan edi.
