Ekonomika jáne qarjylyq saiasat jónindegi Eýraziialyq ekonomikalyq komissiia alqasynyń múshesi Timýr Jaqsylyqov EAEO sheńberinde jaqyn arada biryńǵai valiýta engizilýine qatysty suraqqa jaýap berdi, dep habarlaidy QazAqparat tilshisi.
«Bul - eń jii qoiylatyn suraq. Eýraziialyq ekonomikalyq odaq aiasyndaǵy birde-bir kelisimshartta, EAEO sheńberindegi birde-bir aktide biryńǵai valiýta engizý týraly aitylmaǵan. Mundai jospar joq. 2025 jylǵa deiingi damý strategiiasynda mundai jospar joq. Bul týraly kelissózder júrgizilmeidi jáne bul taqyryp talqylanbaidy. Meniń oiymsha, biryńǵai valiýtany engizýdiń obektivti alǵysharttary áli jetile qoiǵan joq», - deidi Timýr Jaqsylyqov.
