21 maýsymda QR Premer-Ministri Álihan Smaiylov Minsk qalasynda ótip jatqan Eýraziialyq úkimetaralyq keńes otyrysynda sóz sóiledi. Sharaǵa Armeniia, Belarýs, Qyrǵyzstan jáne Resei Úkimetteriniń basshylary qatysty, dep habarlaidy "Ult aqparat" primeminister.kz agenttigine silteme jasap.
Álihan Smaiylov óz sózinde búginde álemdik saýdanyń eleýli ózgeristerge ushyrap otyrǵanyn atap ótti.
«Shielenistiń kúsheiýi, pandemiia daǵdarysy, jahandyq saýda-sattyq jáne logistikalyq bailanystardyń úzilýi, giperinfliatsiia bizdiń elderdegi taýar óndirýshilerge de, qyzmet kórsetýshilerge de keri áserin tigizdi. Ereksheligi sol, daǵdarys aýyrtpalyǵy shaǵyn, orta jáne iri biznes nysandarynyń barlyǵyna da túsip otyr», — dedi QR Premer-Ministri.
Qazaqstan Úkimeti basshysynyń pikirinshe, qazirgidei qiyn-qystaý jaǵdaida óńirlik birlestikter týyndaǵan problemalardy sheshýde jetekshi ról atqarady.
Ol jańa kólik arteriialaryn qurý jáne damytý jolymen Eýropa men Aziianyń júkterin EAEO elderine tasymaldaý jáne sol elderdiń aýmaǵy arqyly tasymaldaý ýaqytyn qysqartý men jeńildetýdiń mańyzdylyǵyn erekshe atap ótti.
«Jańa jaǵdai» Eýraziialyq ekonomikalyq odaq qyzmetin transformatsiialaýdy qajet etedi», — degen Álihan Smaiylov bul baǵyttaǵy basym mindetterdi atap kórsetti.
QR Premer-Ministriniń aitýynsha, EAEO óńiriniń biznesti damytý úshin áleýeti zor, alaida buǵan kóbinese kelisim-sharttyq bazanyń jetilmegendigimen jáne eldik protektsionizmmen bailanysty kedergiler bóget jasap otyr.
«Ekonomikalyq birlestiktiń jetistigi onyń barlyq músheleriniń is-áreketine bailanysty. Ózderińiz biletindei, qandai da bir kedergiler tosqaýyldyń týyndaýyna sebep bolady. Memleketterimizdiń ekonomikasynyń ósýi men azamattardyń ál-aýqatyn arttyrýdyń mańyzdy sharty bolyp tabylatyn erkin naryqty qamtamasyz etýde kúsh-jigerdi biriktirýimiz qajet», — dedi QR Úkimetiniń basshysy.
Sondai-aq quramdas buiymdardy, shikizatty jáne daiyn ónimderdi jetkizýdegi irkilister ónerkásip kooperatsiiasynyń jetkiliksiz deńgeide ekenin kórsetip berdi.
«Is júzinde ónerkásiptiń barlyq salalarynda – mashina jasaý men joǵary tehnologiialyq salalardan bastap tamaq ónimderi men meditsinalyq buiymdar óndirisine deiin naqty kooperatsiialyq jobalar qajet. Innovatsiialyq jáne básekege qabiletti ónim jasaý úshin naqty jobalarǵa kóńil bólýdi usynamyn», — dedi Álihan Smaiylov.
Sonymen qatar QR Premer-Ministri qazaqstandyq biznes úshin asa mańyzdy máselelerdiń biri EAEO-nyń barlyq aýmaǵy boiynsha kedergisiz tranzitti qamtamasyz etý ekenin atap ótti.
Osyǵan bailanysty ol áriptesterin jedeldetilgen jáne ońailatylǵan tranzitti, onyń ishinde tsifrlyq tehnologiialardy paidalana otyryp qamtamasyz etý máselesinde neǵurlym ikemdi jáne syndarly bolýǵa shaqyrdy.
«EAEO músheleri Birlestiktiń negizgi qaǵidattaryna beriktigin saqtaǵan jaǵdaida, qazirgidei kúrdeli kezeńde eýraziialyq ekonomikalyq integratsiianyń barlyq qatysýshylary úshin tiimdi bolatynyna senimdimin. Bul rette barlyq elderge tiimdi bolatyn damý jolyna túsýi úshin ulttyq múddeler men integratsiialyq protsester arasyndaǵy teńgerimdi tabý qajet», — dep túiindedi Álihan Smaiylov.
