Foto: EEK baspasóz qyzmeti
Eýraziialyq ekonomikalyq komissiiada Jeńistiń 80 jyldyǵyna arnalǵan fotokórme ashyldy, dep habarlaidy EEK baspasóz qyzmeti.
Ol eki bólimge bólingen jáne Uly Otan soǵysynyń negizgi kezeńderin – 1941 jyly fashistik Germaniianyń KSRO-ǵa basyp kirýinen bastap 1945 jylǵy Berlindegi jeńisti shaiqastarǵa deiingi kezeńderdi qamtidy.
Kórmeniń negizgi bóliginde Eýraziialyq ekonomikalyq odaq elderiniń memlekettik muraǵattarynan tańdalǵan aldyńǵy sheptegi fotosýretter bar. Zamanaýi aýdiovizýaldy effektiler, qabyrǵalarǵa proektsiialanǵan aq-qara sýretter, kórkem jaryqtandyrý, mýzykalyq súiemeldeý – munyń barlyǵy kórmege erekshe atmosfera berip tur.
Sarǵaiǵan eski gazetter men sarbazdardyń hat jinaqtary da kórmege kelýshilerdiń nazaryn ózine aýdarady.
Foto: EEK baspasóz qyzmeti
"Biz fashizmdi jeńý jolyndaǵy ákelerimizdiń, atalarymyz ben arǵy atalarymyzdyń batyrlyǵy men uly jaýyngerlik erligine zor qurmetpen qaraimyz. Bizdiń kórmeniń árbir eksponaty erekshe qundylyqqa ie, óitkeni batyrlardyń portretteri men esimderiniń artynda olardyń qaitalanbas erlikteri jatyr", - dedi EEK alqasynyń tóraǵasy Baqytjan Saǵynbaev.
Kórmeniń "Bizdiń batyrlar" dep atalatyn ekinshi bóliginde Uly Otan soǵysyna qatysqan EEK qyzmetkerleri týystarynyń 600-ge jýyq fotosýretteri qoiylǵan.
Árbir ardager týraly málimet ashyq muraǵat kózderi arqyly qosymsha zertteldi: ómirbaian anyqtamalary jasalyp ári jańartyldy, nagradalar men áskeri ataqtar týraly málimetter qalpyna keltirildi.
Kórmeni EEK saitynda "Bizdiń batyrlar" bóliminen kórýge bolady.
