Foto: Úkimet
Memleket basshysynyń tapsyrmasy boiynsha elimizde Almaty taý klasterin damytý boiynsha keshendi jospar ázirlendi. Onyń negizgi mindeti – taý týrizmin damytý. Bul týraly Premer-ministr Oljas Bektenovtiń tóraǵalyǵymen ótken Úkimet otyrysynda týrizm salasyn damytý máselelerin qaraý kezinde aityldy, dep habarlaidy Ult.kz.
Jospardy iske asyrý nátijesinde uzyndyǵy 150 shaqyrym bolatyn álemdik deńgeidegi taý shańǵysy kýrortyn salý josparlanǵan. Jańa kýrort jylyna 5 mln-ǵa deiin týristerdi tarta alady dep kútilýde.
Keshendi jospardyń taǵy bir jobasy «Mańǵystaý» týristik aimaǵyn damytýǵa baǵyttalǵan. Ol boiynsha Tuzbaiyr, Qyzylqup, Torysh, Airaqty siiaqty biregei oryndarǵa qol jetkizýge bolady jáne jańa nysandardyń ashylýyna jaǵdai jasalǵan.
Sonymen qatar ekotýrizmdi ilgeriletý maqsatynda Ulttyq saiabaqtardy damytý boiynsha jumystar júrgizilýde. Sońǵy jyldary bazalyq infraqurylymy bar 8 týristik vizit-ortalyq salyndy.
«Biz elimizdiń ulttyq parkterine kelgen ekotýristerdiń turaqty ósýin baiqap otyrmyz. 2024 jyldyń qorytyndysy boiynsha 14 ulttyq parkke 2,8 mln adam baryp, kelýshilerdiń sany 2023 jylmen salystyrǵanda 18%-ǵa ósti. Artyp kele jatqan suranysty qanaǵattandyrý úshin árbir ulttyq parkti negizgi týristik infraqurylymmen qamtamasyz etý jáne jańa sapar-ortalyqtaryn salý josparlanyp otyr. Sonymen qatar barlyq ulttyq parkterde Býrabaidaǵy sekildi kirý júiesin tsifrlandyrý qajet», — dep atap ótti týrizm jáne sport ministri Erbol Myrzabosynov.
Osyndai jumys týrizmniń ártúrli túrlerin damytý úshin basqa óńirlerde de júzege asyrylady. Ásirese, týrizmniń etno-mádeni, balalar men jasóspirimder, meditsinalyq, saýyqtyrý, iskerlik, karavaning jáne avtotýrizm sekildi túri basymdyqqa ie.
Sondai-aq búgingi jiynda týristik sala turaqty ósim kórsetip jatqandyǵy aityldy.
