Photo : SS0 / Pexels
Aýyl sharýashylyǵy ministri Erbol Qarashókeev et baǵasyna qatysty túsinikteme berdi, dep habarlaidy Sputnik Qazaqstan.
Parlament palatalarynyń birlesken otyrysynan keiin jýrnalister ministrden Qazaqstanda nege et qymbattap jatqanyn surady. Qarashókeevtiń aitýynsha, ministrlik aýyl sharýashylyǵy taýaryn óndirýshiler deńgeiinde et baǵasyn baqylap otyr.
"Keshe baǵa túsip jatyr dep aitty. Kóterme baǵa ósip jatqan joq. Aýyl sharýashylyǵy taýaryn óndirýshiler boiynsha qatty ósim baiqalmaidy, biz baǵany ustap turmyz", - dedi ol.
Ministr qazir basqa máseleniń sheti shyǵyp turǵanyn aitty: mal ósirýshiler etti satyp alý baǵasynyń tómen ekenine shaǵymdanýda.
"Keshe tyńdaý ótti, depýtattar osy máseleni qozǵady. Mal ósirýshiler ettiń satyp alý baǵasy tym tómen ekenine narazy. Sol úshin bizge jańa naryq ashyp, fermerlerge qoldaý kórsetýimiz qajet", - dedi Qarashókeev.
Onyń aitýynsha, qazir Qazaqstan ózin etpen tolyǵymen qamtamasyz etedi.
"Baǵa degen únemi ósedi, biraq qatty ósim joq", - dedi Aýyl sharýashylyǵy ministri.
