Photo : سس0 / Pexels
اۋىل شارۋاشىلىعى مينيسترٸ ەربول قاراشٶكەەۆ ەت باعاسىنا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
پارلامەنت پالاتالارىنىڭ بٸرلەسكەن وتىرىسىنان كەيٸن جۋرناليستەر مينيستردەن قازاقستاندا نەگە ەت قىمباتتاپ جاتقانىن سۇرادى. قاراشٶكەەۆتٸڭ ايتۋىنشا, مينيسترلٸك اۋىل شارۋاشىلىعى تاۋارىن ٶندٸرۋشٸلەر دەڭگەيٸندە ەت باعاسىن باقىلاپ وتىر.
"كەشە باعا تٷسٸپ جاتىر دەپ ايتتى. كٶتەرمە باعا ٶسٸپ جاتقان جوق. اۋىل شارۋاشىلىعى تاۋارىن ٶندٸرۋشٸلەر بويىنشا قاتتى ٶسٸم بايقالمايدى, بٸز باعانى ۇستاپ تۇرمىز", - دەدٸ ول.
مينيستر قازٸر باسقا مەسەلەنٸڭ شەتٸ شىعىپ تۇرعانىن ايتتى: مال ٶسٸرۋشٸلەر ەتتٸ ساتىپ الۋ باعاسىنىڭ تٶمەن ەكەنٸنە شاعىمدانۋدا.
"كەشە تىڭداۋ ٶتتٸ, دەپۋتاتتار وسى مەسەلەنٸ قوزعادى. مال ٶسٸرۋشٸلەر ەتتٸڭ ساتىپ الۋ باعاسى تىم تٶمەن ەكەنٸنە نارازى. سول ٷشٸن بٸزگە جاڭا نارىق اشىپ, فەرمەرلەرگە قولداۋ كٶرسەتۋٸمٸز قاجەت", - دەدٸ قاراشٶكەەۆ.
ونىڭ ايتۋىنشا, قازٸر قازاقستان ٶزٸن ەتپەن تولىعىمەن قامتاماسىز ەتەدٸ.
"باعا دەگەن ٷنەمٸ ٶسەدٸ, بٸراق قاتتى ٶسٸم جوق", - دەدٸ اۋىل شارۋاشىلىعى مينيسترٸ.
