Joǵary sanatty bilikti dáriger, ftiziatr Anna Tsepke koronavirýstyń jańa túri - Delta shtamynyń qaýipti ekenin aitty. Ftiziatrdyń aitýynsha, bul shtamm qysqa inkýbatsiialyq kezeńmen sipattalady jáne ózindik belgileri bar, dep habarlaidy "Ult aqparat" elorda ákimdiginiń resmi saityna silteme jasap.
«Juqtyrǵan sátten bastap 7 kún ishinde adamda klinikalyq belgiler tez damyp, aýyr túrge ainalýy múmkin. Munda nazar aýdaratyn negizgi belgiler: JRVI-ge óte uqsas (tamaqtyń aýrýy, murynnan sý aǵýy, bas aýrýy). Sonymen qatar, koronavirýs simptomy retinde bárimizge belgili iis sezýdiń joǵalýy bul shtamda kezdese bermeidi.
Sondai-aq, Delta shtamynda tynys alý belgilerinen basqa, ishtiń aýyrsynýy, diareia, júrek ainý men qusý, býynnyń aýyrýyna nazar aýdarý kerek. Sarapshylar buǵan estý qabiletiniń joǵalýyn jáne tómengi aiaq tamyrlarynyń trombozyn qosady», - deidi dáriger.
Anna Tsepke jedel respiratorlyq infektsiiaǵa uqsas belgiler paida bolǵan kezde (koronavirýspen aýyrǵandar sanynyń ósýin eskere otyryp) basqa aýrýlar týraly oilaýdyń qajeti joq ekenin atap ótti. Ózin-ózi oqshaýlap, tolyq tekseristen ótip, PTR-test tapsyrýy jáne bolashaqta mamandardyń keńesterine qulaq asýlary tiis.
«Búgingi tańda Delta shtamy búkil álemde eń qaýipti virýs bolyp sanalady. Bul shtamm búkil meditsinalyq qaýymdastyqta úlken alańdaýshylyq týdyryp otyr. Bul virýstyń tez juǵatyndyǵymen bailanysty. Eger koronavirýstyń burynǵy shtamdarynan infektsiia 1-den 4 adamǵa deiin juǵatyn bolsa, Delta nusqasynda - 1-den 7 adamǵa deiin», - dep qosty spiker.
Ózińizdi qalai oqshaýlaýǵa jáne qorǵaýǵa bolady degen suraqqa, joǵary sanatty dáriger infektsiianyń burynǵy túrlerinde saqtalǵan barlyq mańyzdy usynystardy qaitalady.
«Barlyq aldyn-alý sharalaryn, betperde kiiýdi, vaktsinatsiiany saqtaǵan jaǵdaida ǵana ózińizdiń, sondai-aq týystaryńyz ben ainalańyzdaǵy adamdardyń densaýlyǵyn saqtai alasyz dep qaitalap aitýdan jalyqpaimyz. Virýs mýtatsiiaǵa ushyrap, kúsheie tústi. Densaýlyǵyńyzǵa qaýip tóndirmeńiz. Eger ózińizdi qazir qorǵamasańyz, ekpe saldyrmasańyz, keiin kesh bolýy múmkin», - dep qorytyndylady ftiziatr.
