Elimizdiń estrada juldyzdary, telejúrgizýshiler men blogerler halyqty qaterli isikke tegin tekserilýge shaqyrdy, dep habarlaidy "Ult aqparat".
Qazaqstandyq onkologtardyń aktsiiasyn Roza Rymbaeva, Tolqyn Zabirova, Baian Maqsatqyzy, Jeńis Ysqaqova, Rústem jáne Alinýr Nurjigit, Aigúl Múkei, Saǵynai Abdýlin, Aibek Janseiitov (Búrkit), Elena Isaeva, Aida Kaýmenova, Janna Orynbasarova, Aigúl Babaeva, Asha Matai, Nurbergen Mahambetov jáne Aisáýle Baqytbek qoldady.
Eń kóp taralǵan qaterli isik túrlerin erte anyqtaýǵa arnalǵan onkoskriningterdi turǵylyqty jeri boiynsha (tirkelgen jeri boiynsha) emhanalardan ótýge bolady.
Bul- sút bezi qaterli isiginiń skriningi. 40 jastan 70 jasqa deiingi áielder 2 jylda 1 ret jatyr moiny qaterli isiginiń skrininginen, 30 jastan 70 jasqa deiingi áielder 4 jylda 1 ret kolorektaldy qaterli isik skrininginen (toq jáne tik ishektiń qaterli isigi) ótkeni jón. 50 jastan 70 jasqa deiingi erler men áielder 2 jylda 1 ret skrining tekserýge baǵany durys.
Jyl saiyn 4 aqpanda Halyqaralyq obyrǵa qarsy odaqtyń (UICC) bastamasy boiynsha Dúniejúzilik obyrǵa qarsy kúres kúni atalyp ótedi. Qazaqstanda jyl saiyn 36 myńǵa jýyq jańa qaterli isik aýrýy tirkeledi.
