Foto:Parlament Májilisi baspasóz qyzmetinen
Ermurat Bapi Samat Ábishke kesilgen úkimge qatysty pikir bildirdi dep habarlaidy «Ult Aqparat».
«Bul insaiderler aqparaty. Ol aqparattyń qaidan túskenin bilmeimin, redaktsiiadan surańyzdar. Men gazetke shyqqan aqparatty ózimniń feisbýk paraqshama kóshirip bastym. Keshe feisbýk paraqshama aqparatty jariialadym, sodan beri bir táýlikke jýyq ýaqyt ótse de eshqandai memlekettik organdar tarapynan mynaý jańsaq aqparat degen maǵan eskertý túsken joq. Bul aqparattyń jalǵan emestigin dáleldedi. Iaǵni bul shynynda da qupiia ótken sottyń sheshimi osylai boldy degen sóz.
Sońǵy otyz jylda Qazaqstannyń tarihynda bolmaǵan jaǵdai bul. Munyń aldynda eki myń bes, eki myń altynshy jyldary alty jylǵa Myrzahmetovty sottaǵan. Al segiz jyl shartty sot degenge tipti besiktegi bala kúldetin shyǵar.
Bul sottyń sheshimi. Biraq qalai degenemen de atqarýshy biliktiń buǵan yqpaly boldy deýge bolady. Osyndai sheshimniń shyqqany birinshiden, Nazarbaevtyń nemere inisi bolǵannan jáne ekinshiden, eski Qazaqstannan áli de alystap kete almaǵanymyzdyń belgisi dep oilaimyn. Nazarbaev otbasynyń biligi júrip tur dep oilamaimyn. Muny qazirgi jańa Qazaqstanda qandai da bir yqpaly qalǵanynyń belgisi dep oilaimyn.
Sot sheshimimen kelispei, appeliatsiialyq sotqa shaǵymdanýǵa bolady. Biraq ony kim jasaidy?» -dedi Ermurat Bapi.
Eske salaiyq, keshe depýtat Ermurat Bapi eks-prezident Nursultan Nazarbaevtyń nemere inisi Samat Ábishke sot 8 jylǵa shartty jaza taǵaiyndaǵanyn óziniń feisbýk paraqshasynda jariialaǵan bolatyn.
