Қазақстан Тәуелсіздігіне 25 жыл

Esirtkimen kúres jastardyń saýatyn kóterýmen ushtasýy qajet

Esirtkimen kúres jastardyń saýatyn kóterýmen ushtasýy qajet
kaz.orda.kz

«Zań men Tártip» el ómiriniń ajyramas bóligi, buljymas qaǵidaty bolýǵa tiis», - degen bolatyn memleket basshysy Halyqaralyq "Qazaq tili" qoǵamynyń X quryltaiynda. Osy rette ásirese jastardyń quqyqtyq saýatyn arttyryp, zań sheńberinde áreket etýin úiretý - qoǵam enshisinde. Degenmen de aiaǵyn shalys basyp jatatyn jastar azaimai tur. Ásirese esirtki qylmysyna qatysty derek kóńil jylatady.

Statistikalyq derekterge súiensek, 2026 jyldyń 9 aiynda kámelet jasyna tolmaǵandardyń arasynda temir torǵa toǵytylǵandardyń sany ótken jyldyń tolyq kórsetkishiniń 88 paiyzyna jetipti. Osy rette Quryltai depýtattary jastardy saýattandyrý jumysyna mán berý kerek ekenin aityp dabyl qaqty.

QR Bas prokýratýrasynyń Quqyqtyq statistika málimetterine súiengen «ÁDILET» Fraktsiiasy atynan sailanǵan Quryltai depýtattary sońǵy eki jyldyń derekterin keltirdi.

Olardyń aitýynsha byltyr elde esirtki qylmysyna qatysty 67 jasóspirimniń qolyna kisen kigizilgen bolsa, biyl qazan aiyna deiin 59 jasóspirim sottalyp ketipti.

 Al jalpy 2025 jyly 8 280 esirtki qylmysy tirkelip, 4 684 adam qylmystyq jaýaptylyqqa tartylǵan. 2026 jyldyń toǵyz aiynda 7 464 esirtki qylmysy tirkelip, 3 282 adam qylmystyq jaýaptylyqqa tartylypty.

«Bul derekter profilaktikalyq jumysty kúsheitip, balalar men jasóspirimderdi esirtkiniń zańsyz ainalymyna tartýdan qorǵaý qajettigin kórsetedi», - dep aitty Quryltai otyrysynda depýtat Didarbek Dildábek.

Degenmen de biyl elimizde «Zań men Tártip» qaǵidaty aiasynda 2 mln. jas azamatty qamtyǵan esirtkige qarsy profilaktikalyq is-sharalar ótkizilgen eken.

 Budan bólek, aita keteiik, Qazaqstan Úkimetiniń 2025 jylǵy 19 jeltoqsandaǵy №1117 qaýlysymen bekitilgen 2026–2028 jyldarǵa arnalǵan keshendi jospary bar. Jospar aiasynda jastar arasynda nashaqorlyqtyń aldyn alý siiaqty birqatar jumystar josparlanǵan.